Robinho ទម្លាយមូលហេតុដែលខ្លួនចង់ទៅ Chelsea តែ Real បែរលក់ឲ្យ City
- 2018-09-12 08:23:46
- ចំនួនមតិ 0 | ចំនួនចែករំលែក 0
Robinho ទម្លាយមូលហេតុដែលខ្លួនចង់ទៅ Chelsea តែ Real បែរលក់ឲ្យ City
ចន្លោះមិនឃើញ
វិលទៅអំឡុងឆ្នាំ២០០៥ ដល់២០០៨ Robinho គឺជាតារាបាល់ទាត់មួយរូបដ៏លេចធ្លោនៅ Real Madrid ពិសេសគឺបច្ចេកទេសបណ្ដើរបាល់ និងស៊ុតច្បាស់ៗរបស់គេមិនចាញ់ Ronaldinho។
៣ឆ្នាំនៅទឹកដីអេស្ប៉ាញ រាត្រីទឹកឃ្មុំរបស់កីឡាករសាំបារូបនេះបានឈានដល់ទីបញ្ចប់ហើយត្រូវចាកចេញទៅលេងនៅ Manchester City យ៉ាងគួរឲ្យភ្ញាក់ផ្អើលក្នុងឆ្នាំ២០០៨។ មែនទែនទៅពេលនោះ Robinho គឺរំពឹងទៅចូលរួមជាមួយលោក Scolari ជនជាតិប្រេស៊ីលដែលកំពុងដឹកនាំ Chelsea ឯណោះទេតែមានបញ្ហាមួយចំនួនបានកើតឡើងរារាំងដល់ការផ្ទេរ។
Robinho បង្ហើបថា Real Madrid បានប្ដូរចិត្តលក់ខ្លួនឲ្យទៅ Man City បន្ទាប់ពីខឹង Chelsea ដែលបោះអាវមានឈ្មោះ និងលេខរបស់គេលក់ព្រោងព្រាយបើទោះជាការចរចាមិនទាន់សម្រេច១០០%ក៏ដោយ។ យ៉ាងណាកីឡាករវ័យ៣៤ឆ្នាំរូបនេះមិនបានស្ដាយក្រោយឡើយដែលទៅលេងនៅ City រយៈពេលជិត២ឆ្នាំ។
"ខ្ញុំបានលេងនៅក្លឹបដ៏អស្ចារ្យ ហើយពួកគេ (City) បានស្វាគមន៍ខ្ញុំយ៉ាងល្អបំផុត។ ខ្ញុំមានពេលវេលា១ឆ្នាំកន្លះដ៏រីករាយនៅទីក្រុង Manchester"។ Robinho និយាយដូច្នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
