Mane ថាឪពុកម្ដាយធ្លាប់បង្ខំឲ្យធ្វើគ្រូបង្រៀន និងថាការលេងបាល់គ្មានអនាគត
- 2018-09-13 07:34:30
- ចំនួនមតិ 0 | ចំនួនចែករំលែក 0
Mane ថាឪពុកម្ដាយធ្លាប់បង្ខំឲ្យធ្វើគ្រូបង្រៀន និងថាការលេងបាល់គ្មានអនាគត
ចន្លោះមិនឃើញ
Sadio Mane បានទម្លាយថាមុនក្លាយខ្លួនជាកីឡាករបាល់ទាត់អាជីពនេះរូបគេបានឆ្លងកាត់ឧបសគ្គជាច្រើនពិសេសគឺការស្ដីបន្ទោសពីឪពុកម្ដាយ។
ខ្សែប្រយុទ្ធ Top Scorer នៅ Premier League ត្រូវឪពុកម្ដាយចង់ឲ្យធ្វើជាគ្រូបង្រៀនជាជាងធ្វើជាកីឡាករ និងថា ការលេងបាល់ទាត់គឺជារឿងដែលខាតពេលវេលាបំផុត។ យ៉ាងណាអ្នកទាំងពីរបានស្ងប់ចិត្តទៅវិញនៅពេលដែល Mane បានចុះកុងត្រាអាជីពជាមួយក្លឹបមួយនៅបារាំង។
កីឡាករវ័យ២៦ឆ្នាំបានប្រាប់ឪពុកម្ដាយថាបាល់ទាត់ នឹងអាចកែប្រែជីវិតក្រុមគ្រួសាររបស់គេ។ "ខ្ញុំបានកើតក្នុងភូមិឋានដែលគ្មាននរណាម្នាក់ក្លាយជាកីឡាករបាល់ទាត់ល្បីទាល់តែសោះ។ កាលនៅពីក្មេងឪពុកម្ដាយខ្ញុំបានប្រាប់ថាខ្ញុំគួរតែខំរៀន និងធ្វើជាគ្រូជាជាងខាតពេលលេងបាល់។
"ខ្ញុំតែងតែប្រាប់អ្នកផ្ទះថា បាល់ទាត់គឺជាអាជីពតែមួយគត់ដែលអាចជួយពួកគាត់ តែឪពុកម្ដាយខ្ញុំហាក់គ្មានជំនឿព្រោះវាគឺជារឿងដែលហាក់បីដូចជាក្ដីស្រមៃ"។ ម្ចាស់អាវលេខ១០នៅ Anfield និយាយដូច្នេះ។
Mane ចាប់ផ្ដើមហាត់នៅមជ្ឈមណ្ឌលថ្នាលដ៏ល្បីមួយនៅអាហ្វ្រិកឈ្មោះ Génération Foot ក្នុងឆ្នាំ២០១១ មុនចុះកុងត្រាលេងឲ្យក្រុម Metz នៅបារាំង និងក្រោយមកលេងឲ្យ Red Bull Salzburg។ Liverpool បានទិញរូបគេពី Southampton ក្នុងឆ្នាំ២០១៦ហើយបានក្លាយជាកម្លាំងសំខាន់របស់លោក Jurgen Klopp រហូតមក៕