ក្តៅៗ! G-Devith ប្រកាសដើរចេញពីហង្សមាស ធ្វើជាតារាចម្រៀងឯករាជ្យ
- 2018-09-13 08:45:39
- ចំនួនមតិ 0 | ចំនួនចែករំលែក 0
ក្តៅៗ! G-Devith ប្រកាសដើរចេញពីហង្សមាស ធ្វើជាតារាចម្រៀងឯករាជ្យ
ចន្លោះមិនឃើញ
ប៉ុន្មាននាទីមុននេះ តារាចម្រៀង G-Devith បានប្រកាសនៅលើ Page ផ្លូវការ ថា លោកនឹងធ្វើជាតារាចម្រៀងឯករាជ្យវិញ ដែលនេះមានន័យថា លោកបានដើរចេញពីផលិតកម្មធំជាងគេនៅស្រុកខ្មែរ គឺ ហង្សមាស ដែលលោកធ្លាប់រួមទ្រនំ កន្លងមក។
ម្ចាស់បទ "រាំញីកែងជើង" បានសរសេរថា ៖ "ខ្ញុំបានចាកចេញដោយជំហរជាអ្នកចម្រៀងឯករាជ្យ ដើម្បីផ្លាស់ប្ដូរបទពិសោធន៍ការងារឆ្ពោះទៅកាន់បទពិសោធន៍ថ្មីដើម្បីចែករំលែកទៅកាន់អ្នកគាំទ្រជាទីស្រលាញ់ទាំងអស់គ្នា "។
ចំពោះគូស្នេហ៍របស់លោក គឺកញ្ញា ទេព បូព្រឹក្សវិញ បានសរសេរសារលើបណ្ដាញសង្គមថា ៖ "ពួកយើងក៏នឹងមានអ្វីថ្មីប្លែកឆាប់ៗនេះ"។ សារនេះ ធ្វើឲ្យអ្នកគាំទ្រសង្ស័យ ថាម្ចាស់បទ "My សង្សារ" ទំនងអាចដើរចេញពីហង្សមាស ដូចម្ចាស់ចិត្តរបស់ខ្លួនដែរ បន្ទាប់ពីបទចម្រៀង "Trap Queen” ត្រូវបានគេឃើញបង្ហោះចូលក្នុង Channel YouTube របស់ G-Devith។ លើសពីនេះ កន្លងមក តារារូបនេះធ្លាប់បង្ហោះសារម្ដងរួចហើយថា មិនអាចទ្រាំបានទៀតទេ ព្រោះមួយឆ្នាំចេញបទចម្រៀងឲ្យបាងតែមួយបែបនេះ។
ទោះយ៉ាងណា គេនៅមិនទាន់ច្បាស់ថា កញ្ញា បូព្រឹក្ស គ្រោងនឹងដើរចេញពីហង្សមាសឬយ៉ាងណានោះទេ ៕