ប្រកាសដេញ HyunA និង E'Dawn ឡើងផ្អើលទឹកដីហើយ ឥឡូវ Cube បែរជាកែពាក្យវិញ

2018-09-13 09:31:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីព័ត៌មានបានចុះផ្សាយព្រាតពីសេចក្ដីប្រកាសរបស់ Cube ពីការបណ្ដេញ HyunA និង E'Dawnចេញ ឥឡូវផលិតកម្មនេះ បែរជាបង្វែរការសម្រេចចិត្តទៅវិញ។

ផ្អែកតាមអ្វីដែល ផលិតកម្ម Cube បានប្រកាសកាលពីព្រឹកទាក់ទងនឹងជីវិតកុងត្រារបស់ HyunA និង E'Dawn ពេលនេះហាក់មានការប្រែប្រួល ដោយលើកឡើងជាថ្មីថាការសម្រេចចិត្តនោះអាចមានការផ្លាស់ប្ដូរ។ អ្នកតំណាងម្នាក់មកពី ផលិតកម្មនេះ បានទម្លាយថា៖ «ការចាកចេញរបស់ពួកគេ (HyunA និង E'Dawn) គឺផលិតកម្មកំពុងគិតគូរគ្នា ហើយមិនទាន់សម្រេចអ្វីចេញជាផ្លូវការនៅឡើយ»។

កាលពីព្រឹកថ្ងៃទី ១៣ ខែកញ្ញាដដែល ផលិតកម្មកូរ៉េមួយនេះ បានប្រកាសច្បាស់ៗពីដំណឹងថា HyunA និង E'Dawn លែងជាតារារបស់ Cube ទៀតហើយ ដោយសារខាងក្រុមហ៊ុនអស់ទំនុកចិត្តចំពោះតារាទាំង ២នេះតទៅទៀតហើយ។ ប៉ុន្តែសភាពការណ៍កាន់តែយ៉ាប់យ៉ឺន ក្រោយផ្ទុះព័ត៌មាន ឥឡូវបែរជាមានរឿងផ្សេងទៅវិញ។

ក្រោយការប្រកាសបានផ្សព្វផ្សាយ អ្នកគាំទ្រ ព្រមទាំងសាមីខ្លួនពិតជាភ្ញាក់ផ្អើលបំផុត។ បើនិយាយពីទីផ្សារភាគហ៊ុនរបស់ Cube ក៏ត្រូវធ្លាក់ចុះ ភ្លាមៗស្ទើរមិនគួរឲ្យជឿដែរ៕

ប្រភព៖ kstarlive ប្រែសម្រួល៖ យី សុធារី