លេខ ៧ ថ្មីរបស់ Real សង្ឃឹមក្រុមជម្រើសជាតិកោះហៅនៅពេលខាងមុខ
- 2018-09-14 11:02:50
- ចំនួនមតិ 0 | ចំនួនចែករំលែក 0
លេខ ៧ ថ្មីរបស់ Real សង្ឃឹមក្រុមជម្រើសជាតិកោះហៅនៅពេលខាងមុខ
ចន្លោះមិនឃើញ
ខ្សែប្រយុទ្ធ Mariano Diaz ក្នុងថ្ងៃនេះ និយាយថាខ្លួនសង្ឃឹម ក្រុមជម្រើសជាតិអេស្ប៉ាញនឹងធ្វើការកោះហៅឲ្យចូលលេង នាពេលខាងមុខ។
ពេលសួរថា បានតាមដានការលេងរបស់អេស្ប៉ាញឬទេ ក្នុងកម្មវិធី UEFA Nations Leagueកីឡាករ Diaz បានឆ្លើយថា៖ "ពិតណាស់ ខ្ញុំតាមដានជាប់។ ខ្ញុំសង្ឃឹមថា លោក Luis Enrique នឹងកោះហៅឲ្យខ្ញុំ ចូលលេងក្នុងក្រុមជម្រើសជាតិនៅពេលខាងមុខ"។
សូមបញ្ជាក់ផងដែរថា Diaz ទើបបានចូលរួមជាមួយ Real Madrid ពី Lyon កាលពីខែសីហាកន្លងទៅ។ កីឡាករនឹងពាក់លេខ ៧ ក្រោយអតីតម្ចាស់ Cristiano Ronaldo ទើបបានចាកចេញទៅ Juventus។
ក្នុងរដូវកាល ២០១៧/១៨ Mariano Diaz បានបង្ហាញទម្រង់លេងយ៉ាងល្អឲ្យក្លឹប Lyon។ កីឡាករលេងបានសរុប ៤៥ ប្រកួត ហើយស៊ុតចូលបាន ២១ គ្រាប់៕