រំលឹកទំព័រប្រវត្តិសាស្ត្របាក់ឌុប២០១៤ និង២០១៨ សិស្សស្ទើគាំងបេះដូង
- 2018-09-14 05:04:29
- ចំនួនមតិ 0 | ចំនួនចែករំលែក 0
រំលឹកទំព័រប្រវត្តិសាស្ត្របាក់ឌុប២០១៤ និង២០១៨ សិស្សស្ទើគាំងបេះដូង
ចន្លោះមិនឃើញ
កាលឆ្នាំ២០១៤ ជាទំព័រប្រវត្តិសាស្ត្រថ្មីលើកំណែទម្រង់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ២៥ សីហា បានចាប់ផ្ដើមឡើង ក្រោមពាក្យស្លោក: " អ្នកចេះ គឺជាប់ "។ ជាលទ្ធផល ឆ្នាំ ២០១៤ សិស្សជាប់បាក់ឌុបទូទាំងប្រទេសមានចំនួន ២៣ ១២៦ នាក់ ស្នើនឹង ២៥.៧២% ដោយសិស្សជាប់និទ្ទេសមាន A ចំនួន ១១ នាក់ ខណៈសិស្សប្រឡងធ្លាក់ភ្លូកទឹកភ្លូកដី ធ្វើឲ្យមានការតវ៉ាថាការរឹតបន្តឹងភ្លាមៗ ខណៈសិស្សមិនបានត្រៀមទុក រហូតស្នើទៅសម្ដេច ហ៊ុន សែន ទៅក្រសួងអប់រំឲ្យរៀបចំការប្រឡងជាលើកទី២ នៅថ្ងៃទី ១៣-១៤ ខែតុលា ឆ្នាំ២០១៤ ។ លទ្ធផលចុងក្រោយ ចំនួនអ្នកជាប់មាន ១២ ១៩៩ នាក់ ស្មើ ១៧,៩៤% ក្នុងចំណោមបេក្ខជនសរុប ៦៨ ០០០ នាក់ ប៉ុន្តែគ្មានអ្នកជាប់និទ្ទេស A នោះឡើយ។
វិលមកឆ្នាំ២០១៨នេះ ថ្ងៃទី ១៤ កញ្ញា ជាថ្ងៃប្រកាសលទ្ធផលលើកទី២ ក្រោយរកឃើញមានបញ្ហាខុសបច្ចេកទេសលើលទ្ធផលប្រឡងមធ្យមសិក្សាទុតិយភូមិសម័យប្រឡង ២០ សីហា ក្រសួងបានចេញសេចក្ដីប្រកាស រៀបចំគណៈកម្មការកោសល្យវិច័យ ដើម្បីពិនិត្យដោះស្រាយចំពោះការមិនពេញចិត្តរបស់សិស្ស ក្រោយមានការតវ៉ាពីសិស្សព្រោងព្រាត។ ជាលទ្ធផលផ្លូវការ ក្រសួងបានរកឃើញមូលហេតុបច្ចេកទេសកុំព្យូទ័រ មិនបានស្រង់ពិន្ទុគណិតវិទ្យា ធ្វើឲ្យលទ្ធផលបាក់ឌុបមានការប្រែប្រួលទូទាំងប្រទេស។ លទ្ធផលថ្មី បេក្ខជនជាប់សរុប ៧៦ ០៣៤ នាក់ឯណោះ រីឯលទ្ធផលចាស់ ៧៥ ០៥៩នាក់។ ដូច្នេះមានន័យថា អ្នកធ្លាក់ចំនួន៩៧៥នាក់ ត្រូវជាប់ឡើងវិញ។