ទីបំផុតម្ចាស់មេដាយមាសគណិតវិទ្យា ទទួលបាននិទ្ទេសA ក្នុងលំដាប់ពិន្ទុមិនធម្មតា

2018-09-14 03:01:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆាយ លីអាន ជាម្ចាស់ជយលាភីមេដាយមាសគណិតវិទ្យាឆ្នាំ២០១៨ ទទួលបាននិទ្ទេសAវិញ ក្នុងលំដាប់ពិន្ទុ ៩៩.៩០២។ ការទទួលបាននិទ្ទេសA នេះ គឺធ្វើឲ្យបេក្ខជនឆាយ លីអាន សប្បាយរីករាយរកអ្វីប្រៀបផ្ទឹមពុំបាន។

ឆាយ លីអាន បានធ្លាក់មុខវិជ្ជាគណិត ក្នុងការប្រកាសលទ្ធផលលើកទី១ បានរៀបរាប់ទាំងអារម្មណ៍អារម្មណ៍រំភើបថា ក្នុងកំពុងត្រៀមប្រឡងចូលរៀននៅវិទ្យាស្ថានជាតិពហុបច្ចេកវិទ្យាកម្ពុជាលើមុខជំនាញវិស្វកម្ម។ គោលដៅបន្ទាប់ទៀតប្រសិនបើមានការជ្រើសរើសនិស្សិតអាហារូបករណ៍ទៅបរទេស លីអាន គ្រោងទៅបន្តការសិក្សានៅប្រទេសជប៉ុន ឬប្រទេសចិន។

ប្រៀបធៀបអារម្មណ៍ពេលដឹងលទ្ធផលលើកទី១ និងពេលនេះ លីអាន ប្រាប់ថាខុសគ្នាដូចមេឃ និងដី។ លើកទី១លីអាន បាក់ទឹកចិត្តយ៉ាងខ្លាំង អស់សង្ឃឹម តែពេលនេះខ្លួនរីករាយនឹងលទ្ធផលដែលក្រសួងកែប្រែថ្មីនេះ។

ក្រោយដោះស្រាយបញ្ហារួច ក្រសួងអប់រំបានលើកឡើងថា លទ្ធផលបាក់ឌុបមានការប្រែប្រួលដូចទៅ៖ បេក្ខជនជាប់សរុប ៧៦ ០៣៤ នាក់(តួលេខចាស់ ៧៥០៥៩នាក់) ត្រូវជា ៦៧,០៧ ភាគរយ។ បេក្ខជនជាប់និទ្ទេស A មានចំនួន ៤០៨ នាក់(តួលេខចាស់ ២៩០) B មានចំនួន ២ ២២២ នាក់, C មានចំនួន ៦ ០៤១ នាក់, D មានចំនួន ១៥ ១៨០ នាក់ និង E មានចំនួន ៥២,១៨៣ នាក់។ ក្រសួងក៏បានបញ្ជាក់ផងដែរថា ថ្នាក់វិទ្យាសាស្ត្រសង្គមមិនមានការប្រែប្រួលឡើយ៕