ស្ដែងៗ! របួស ៧នាក់ ក្រោយបាក់ថ្មភ្នំគួរឲ្យរន្ធត់នៅកោះប្រទេសក្រិក (មានវីដេអូ)
- 2018-09-14 03:09:03
- ចំនួនមតិ 0 | ចំនួនចែករំលែក 0
ស្ដែងៗ! របួស ៧នាក់ ក្រោយបាក់ថ្មភ្នំគួរឲ្យរន្ធត់នៅកោះប្រទេសក្រិក (មានវីដេអូ)
ចន្លោះមិនឃើញ
អ្នកទេសចរមួយក្រុមដែលកំពុងដេកហាលថ្ងៃនៅលើឆ្នេរ Shipwreck ប្រទេសក្រិក ត្រូវបានផ្ទាំងថ្មភ្នំដ៏ធំបាក់សង្កត់បណ្ដាលឲ្យរងរបួសមនុស្ស ៧នាក់។
យោងតាម Associated Press ឲ្យដឹងថា ក្នុងចំណោមអ្នករងរបួសទាំង ៧នាក់ក្នុងនោះមានស្ត្រីវ័យ ៣៤ឆ្នាំម្នាក់មកពីសធារណរដ្ឋឆេក ដែលបានបាក់ឆ្អឹងខ្នង ខណៈកូនពីរនាក់ និងប្ដីរបស់អ្នកស្រីក៏បានរងរបួសស្រាលផងដែរ។ មុនពេលកើតហេតុ គេបានលឺសំឡេងប្រេះពីថ្មភ្នំដែរ ភ្លាមនោះវាបានបាក់មកជាបីបំណែកធំៗផ្សេងគ្នាតែម្ដង។ ចំណែកសាក្សីនៅកន្លែងកើតហេតុម្នាក់ទៀតគឺលោក Lynette Bridges ឲ្យដឹងដែរថា ថ្មភ្នំដែលបានបាក់មកមានទំហំធំខ្លាំងណាស់ ដែលសឹងតែស្មើនឹងអគារកម្ពស់ ៤ជាន់បាក់មកយ៉ាងអ៊ីចឹង។
ក្រោយពេលកើតហេតុក្រុមអ្នកជួយសង្គ្រោះបានទៅដល់កន្លែងកើតហេតុដើម្បីទាញចេញអ្នកជាប់ក្នុងកម្ទេចថ្ម។ ទោះយ៉ាងណាកីដោយ មិនមានរបាយការណ៍ណាមួយបង្ហាញថាមានអ្នករងរបួសដែលអាចគ្រោះថ្នាក់ដល់អាយុជីវិតនោះទេ៕
សូមទស្សនាវីដេអូខាងក្រោម ៖