Sunmi ត្រូវគេបញ្ជូនទៅមន្ទីរពេទ្យភ្លាមៗ ក្រោយចេញអាការៈនេះ

2018-09-14 08:21:46
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Sunmi បានលុបចោលការសម្ដែងភ្លាមៗដោយសារ បញ្ហាសុខភាព និងត្រូវគេបញ្ជូនទៅមន្ទីរពេទ្យទៀត។

តាមគម្រោង នៅថ្ងៃទី ១៤ ខែកញ្ញានេះ តារាចម្រៀង Sunmi ត្រូវឡើងសម្ដែងក្នុងកម្មវិធី "Music Bank”។ ប៉ុន្តែរឿងរ៉ាវចៃដន្យបានកើតឡើងស្មានមិនដល់ ព្រោះគម្រោងនោះត្រូវលុបចោល ដោយសារ Sunmi មានអាការៈមិនស្រួល និងត្រូវបានបញ្ជូនទៅមន្ទីរពេទ្យដើម្បីទទួលការព្យាបាលទៀត។

បើតាមផលិតកម្ម MakeUs បានប្រកាសថា៖ «សួស្ដី! នេះជាផលិតកម្ម MakeUs! យើងសុំជម្រាបដំណឹងជូនអ្នកគ្រប់គ្នាថា Sunmi នឹងមិនមានវត្តមានក្នុងកម្មវិធីផ្សាយផ្ទាល់របស់ Music Bank ថ្ងៃនេះទេ។ ដោយសារ អំឡុងពេលថតទុក Sunmi ហាក់ដូចជាមានអាការៈវិលមុខខ្លាំង ទើបយើងសម្រេចផ្អាកការថត ដើម្បីបញ្ជូននាងទៅមន្ទីរពេទ្យតែម្ដង។ ឥឡូវនេះ Sunmi ក៏កំពុងទទួលការព្យាបាល និងសម្រាកដែរ។ មកទល់ពេលនេះ គ្រូពេទ្យកំពុងពិនិត្យស្ថានភាពរបស់នាងយ៉ាងយកចិត្តទុកដាក់ ហើយ Sunmi នឹងមិនអាចទៅសម្ដែងបានទេ ដូចនេះសុំអ្នកគាំទ្រទាំងអស់មានការយោគយល់ និងអធ្យាស្រ័យ»។

ប្រភព៖ kstarlive ប្រែសម្រួល៖ យី សុធារី