ព្យុះទីហ្វុងម៉ាងឃុត កម្លាំងខ្លាំងក្លាបំផុតប្រចាំឆ្នាំ វាយប្រហារហ្វីលីពីនយ៉ាងដំណំ
- 2018-09-15 01:27:45
- ចំនួនមតិ 0 | ចំនួនចែករំលែក 0
ព្យុះទីហ្វុងម៉ាងឃុត កម្លាំងខ្លាំងក្លាបំផុតប្រចាំឆ្នាំ វាយប្រហារហ្វីលីពីនយ៉ាងដំណំ
ចន្លោះមិនឃើញ
ខ្យល់ព្យុះកម្លាំងខ្លាំងក្លាបំផុតនៅឆ្នាំនេះ គឺព្យុះទីហ្វុងម៉ាងឃុត (Super Typhoon Mangkhut) កំពុងតែបំផ្លិចបំផ្លាញលើឆ្នេរសមុទ្រភាគខាងជើង នៃប្រទេសហ្វីលីពីន ដោយមានខ្យល់បក់ និងភ្លៀងធ្លាក់យ៉ាងខ្លាំងទៀតផង។
ខ្យល់ព្យុះបានបោកបក់នៅក្រុង Baggao ភាគខាងជើងនៃប្រទេស ក្បែរតំបន់ឆ្នេរសមុទ្រ នៅវេលាម៉ោង ១៖៤០នាទីព្រឹក ម៉ោងក្នុងតំបន់ (ត្រូវនឹងម៉ោង ២៖៤០នាទីព្រឹកនៅកម្ពុជា) នាថ្ងៃសៅរ៍ ទី១៥ ខែកញ្ញា ឆ្នាំ២០១៨ នេះ។
របាយការណ៍បាននិយាយថា វាបានបំបែកបង្អួចកញ្ចក់ និងកាត់ផ្តាច់ខ្សែភ្លើងនៅលើកោះ Luzon មុនពេលថ្ងៃរះ។ មនុស្សជាង ៤លាននាក់ កំពុងស្ថិតនៅលើផ្លូវរបស់ខ្យល់ព្យុះ ដែលមានល្បឿនខ្យល់ ២០០គីឡូម៉ែត្រក្នុងមួយម៉ោង ហើយមានល្បឿនអតិបរមារហូតដល់ទៅ ៣៣០គីឡូម៉ែត្រក្នុងមួយម៉ោងឯណោះ។
ទោះបីជាយ៉ាងណា មនុស្សរាប់ពាន់នាក់ហើយបានជម្លៀសខ្លួនចេញពីផ្ទះសម្បែង ស្របពេលដែលមានការព្រមានពីខ្យល់ព្យុះកម្ពស់ ៦ម៉ែត្រ។
គួរបញ្ជាក់ថា ប្រទេសហ្វីលីពីនបានប្រកាសអាសន្នកម្រិតខ្ពស់បំផុតទី២ (កម្រិត៤) នៅខេត្ត Cagayan, ភាគខាងជើងខេត្ត Isabela, ខេត្ត Apayao និង ខេត្ត Abra ផងដែរ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
