គ្រូ Arsenal ប្រាប់កីឡាករត្រូវនិយាយអង់គ្លេសឲ្យបានច្រើន ព្រោះមូលហេតុធំមួយ

2018-09-15 04:21:19
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការសញ្ជាតិអេស្ប៉ាញលោក Unai Emery ទទូចឲ្យកីឡាករ Arsenal ទាំងអស់ត្រូវនិយាយអង់គ្លេសក្នុងបន្ទប់ផ្លាស់សំលៀកបំពាក់ ត្បិតលោកមិនសូវចេះភាសានេះក៏ដោយ។

មូលហេតុដែល Emery ដាក់កម្រិតបែបនេះ ព្រោះ លោកចង់ឲ្យកីឡាករនិងខ្លួនលោកផ្ទាល់ឆាប់ចេះនិយាយអង់គ្លេសស្ទាត់ជំនាញ។ ជាការពិតក្នុងក្លឹប Arsenal សម្បូរកីឡាករចម្រុះជាតិសាសន៍ ដូច្នេះកីឡាករមួយចំនួនមិនសូវពូកែអង់គ្លេសប៉ុន្មានទេ។

សម្រាប់លោក Emery នេះជាលើកដំបូងដែលមកដឹកនាំក្នុងប្រទេសអង់គ្លេស ខណៈលោកជាជនជាតិអេស្ប៉ាញ។ អតីតអ្នកចាត់ការរបស់ PSG រូបនេះ មិនដែលប្រើអ្នកបកប្រែមកជួយលោករាល់ពេលធ្វើការទំនាក់ទំនងធម្មតាទេ ដោយដាក់គោលដៅខ្លួនត្រូវចេះនិយាយអង់គ្លេសឲ្យល្អនៅថ្ងៃ Christmas។ តែចំពោះការធ្វើសន្និសីទកាសែតលោកមានអ្នកបកប្រែ ដើម្បីជំនួយពេលមានបញ្ហា និងគ្រូអង់គ្លេសមានចាប់បង្រៀននៅជំរុំហ្វឹកហាត់៕