ក្រុមជម្រើសជាតិអាហ្សង់ទីនត្រូវបានចោទប្រកាន់ពីបទរត់ពន្ធគ្រឿងអេឡិចត្រូនិកខុសច្បាប់
- 2018-09-15 04:46:17
- ចំនួនមតិ 0 | ចំនួនចែករំលែក 0
ក្រុមជម្រើសជាតិអាហ្សង់ទីនត្រូវបានចោទប្រកាន់ពីបទរត់ពន្ធគ្រឿងអេឡិចត្រូនិកខុសច្បាប់
ចន្លោះមិនឃើញ
សមាគមកីឡាបាល់ទាត់អាហ្សង់ទីន រួមនឹងកីឡាកររបស់ក្រុមជម្រើសជាតិត្រូវបានចោទប្រកាន់ពីបទរត់ពន្ធគ្រឿងអេឡិចត្រូនិកខុសច្បាប់ទៅក្នុងប្រទេសរបស់ខ្លួន។ នេះបើតាម The Sun ដកស្រង់ពីសារព័ត៌មានអេស្ប៉ាញ។
រដ្ឋបាលពន្ធដាររបស់ប្រទេសអាហ្សង់ទីន បានបង្ហោះព័ត៌មានរួមជាមួយរូបភាពនៃការរឹបអូសទំនិញនៅលើ Twitter របស់ខ្លួន។ ប្រភពខាងលើបន្ត។
សារព័ត៌មាន AS របស់អេស្ប៉ាញបានរៀបរាប់ថា វត្ថុដែលរឹបអូសបានមានតម្លៃប្រហែល ២៣ ០០០ ដុល្លារ រួមមាន៖ ឧបករណ៍អេឡិចត្រូនិក ឧបករណ៍តន្ត្រី និង ប្រដាប់ប្រដាក្មេងលេង។
របស់របរទាំងនេះគួរតែត្រូវប្រកាសនៅគយ ប៉ុន្តែក្រោយមកវាត្រូវបានអាជ្ញាធររឹបអូស ដោយបានចាត់ទុកថាជា "ការរត់ពន្ធ" ដោយខុសច្បាប់នាំទំនិញចូលទៅក្នុងប្រទេសអាមេរិកខាងត្បូងមួយនេះ។
រដ្ឋបាលពន្ធដាររបស់ប្រទេសអាហ្សង់ទីនបានសរសេរ អមដោយរូបភាពវ៉ាលីកីឡាករជម្រើសជាតិថា "យើងបានដកហូតទំនិញអេឡិចត្រូនិកពីក្រុមជម្រើសជាតិអាហ្សង់ទីន"។ រដ្ឋបាលពន្ធដារប្រទេសនេះបានបញ្ជូនសំណុំរឿងនេះទៅដល់ដៃព្រះរាជអាជ្ញាដើម្បីសម្រេចទៅលើទោសសេដ្ឋកិច្ចទៅលើទំនិញរឹបអូសទាំងនោះ។ ប្រភពខាងបន្ថែម។
ក្រុមជម្រើសជាតិអាហ្សង់ទីនបានធ្វើដំណើរទៅកាន់ទ្វីបអាមេរិកខាងជើងដើម្បីលេងមិត្តភាព ដោយបានលុតប្រទេស ហ្គាតេម៉ាឡា ៣-០ ដោយការស៊ុតបញ្ចូលទីពី Gonzalo Nicolas Martinez, Giovani Lo Celso និង Giovanni Simeone និង មួយប្រកួតទៀតប៉ះ កូឡុំប៊ី លទ្ធផល ០-០ មុនពេលធ្វើដំណើរត្រលប់ទៅកាន់អាហ្សង់ទីនវិញ ហើយ ត្រូវជាប់នៅព្រលានយន្តហោះក្នុងប្រទេសរបស់ខ្លួន ដោយសាររដ្ឋបាលពន្ធដារចោទពីបទរត់ពន្ធទំនិញខុសច្បាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
