ទីបំផុត ក្រសួងអប់រំចេញមុខ ទទួលកំហុស ក្រោយសើរើ លទ្ធផលបាក់ឌុបថ្មី កក្រើកបណ្តាញសង្គម
- 2018-09-15 06:30:00
- ចំនួនមតិ 0 | ចំនួនចែករំលែក 0
ទីបំផុត ក្រសួងអប់រំចេញមុខ ទទួលកំហុស ក្រោយសើរើ លទ្ធផលបាក់ឌុបថ្មី កក្រើកបណ្តាញសង្គម
ចន្លោះមិនឃើញ
នៅថ្ងៃនេះ ទំព័រហ្វេសប៊ុក ផ្លូវការរបស់ក្រសួងអប់រំ យុវជន និងកីឡា បានបង្ហោះសារសំខាន់មួយ ដើម្បីចូលរួមសោកស្ដាយ និងទទួលកំហុសដោយអចេតនា ពាក់ព័ន្ធនឹងការប្រកាសលទ្ធផលបាក់ឌុបថ្មី លើកទី២ កាលពីម្សិលមិញ។
ទោះបី នេះគ្រាន់ជាសារខ្លីមួយ តាមផេកហ្វេសប៊ុក តែវាពិតជាមានតម្លៃ ស្មើនឹងលិខិតផ្លូវការដែរ ក្រោយមន្ត្រីគ្រប់ជាន់ថ្នាក់ និងគណៈកម្មការកោសល្យវិច័យ បានធ្វើការយ៉ាងមមាញឹក សើរើលទ្ធផល តាមបណ្ដឹងតវ៉ារបស់សិស្ស។ នេះបើតាមការបញ្ជាក់របស់ លោក លោក ឌី ខាំប៉ូលី អ្នកនាំពាក្យក្រសួងអប់រំ យុវជន និងកីឡា។
សូមបញ្ជាក់ថា លទ្ធផលបាក់ឌុប ថ្មីបង្ហាញថា បេក្ខជនជាប់និទ្ទេស A មានចំនួន ៤០៨ នាក់ ដែលតួលេខចាស់បេក្ខជនជាប់និទ្ទេស A ២៩០។ រីឯB មានចំនួន ២ ២២២ នាក់, C មានចំនួន ៦ ០៤១ នាក់, D មានចំនួន ១៥ ១៨០ នាក់ និង E មានចំនួន ៥២ ១៨៣ នាក់។
ក្រសួងក៏បានបញ្ជាក់ផងដែរថា ថ្នាក់វិទ្យាសាស្ត្រសង្គមមិនមានការប្រែប្រួលឡើយ។ ការប្រែប្រួលនេះ គឺបណ្ដាលមកពីកម្មវិធីកុំកុំព្យូទ័ររបស់ក្រសួង មិនបានស្រង់ពិន្ទុគណិតវិទ្យា៕