ឡាន SUV តម្លៃថោកជាងគេរបស់ Lexus ចេញតម្លៃលក់ជាផ្លូវការ

2018-09-15 07:03:25
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅទីបំផុតក្រុមហ៊ុន Lexus បានបង្ហាញចេញតម្លៃលក់រថយន្ត Lexus UX ដែលនឹងចេញលក់មុនគេនៅលើទីផ្សារសហរដ្ឋអាមេរិកនៅអំឡុងចុងឆ្នាំ ២០១៨ ខាងមុខនេះ។

នៅលើទីផ្សារសហរដ្ឋអាមេរិក Lexus UX 200 មានតម្លៃលក់ចាប់ពី ៣២ ០០០ ដុល្លារ មិនគិតបញ្ចូលតម្លៃដឹកជញ្ជូន។ Lexus UX 200 មានប្រើប្រាស់ម៉ាស៊ីនស៊ីឡាំង ៤ ទំហំ ២,០ លីត្រ កម្លាំង ១៦៨ សេះ និងបើកបរវិលកង់មុខ។

ម៉ូដែល UX នេះក៏មានជាប្រភេទម៉ាស៊ីន Hybrid ផងដែរ ដោយជាម៉ូដែល UX 250h មានម៉ាស៊ីនប្រេងសាំងដូចគ្នា ប៉ុន្តែមានបន្ថែមម៉ូទ័រអគ្គិសនីចំនួនពីរ ដែលអាចផលិតកម្លាំងបានសរុប ១៧៦ សេះ និងប្រព័ន្ធបើកបរវិលកង់ទាំងបួន។ ម៉ូដែល Hybrid មានតម្លៃលើសម៉ូដែលធម្មតា ២ ០០០ ដុល្លារ។

Lexus UX ទាំងពីរប្រភេទនឹងមានជាជម្រើស F-Sport ដែលមានរូបរាងកាចជាងធម្មតាផងដែរ។ ជាមួយប្រភេទ F-Sport នេះគឺមានប្រើប្រាស់កង់ Alloy ទំហំ ១៨ អ៊ីញ, សំណាញ់ខាងមុខរចនាបថថ្មី, កុងទ័ររថយន្តយកលំនាំតាមម៉ូដែល LFA និងមានអេក្រង់ទំហំ ៨ អ៊ីញ។ លើរថយន្តនេះក៏មាននូវ Lexus Safety System+ 2.0 ដែលមានមុខងារសុវត្ថិភាព និងជំនួយដល់អ្នកបើកបរជាច្រើន៕