បើកូនមានទម្លាប់ល្អ ៣នេះ ប្រចាំថ្ងៃ អនាគតដឹងតែជាបុគ្គលជោគជ័យហើយ
- 2018-09-15 10:10:00
- ចំនួនមតិ 0 | ចំនួនចែករំលែក 0
បើកូនមានទម្លាប់ល្អ ៣នេះ ប្រចាំថ្ងៃ អនាគតដឹងតែជាបុគ្គលជោគជ័យហើយ
ចន្លោះមិនឃើញ
សម័យនេះ ការចិញ្ចឹមកូន ឲ្យក្លាយជាបុគ្គលល្អប្រសើរ មិនមែនជារឿងងាយស្រួលប៉ុន្មានទេ។ ខាងក្រោមនេះ ក្រុមការងារ នឹងជម្រាបជូន អត្ថបទអប់រំខ្លីមួយ ដែលបង្ហាញពីទម្លាប់សម្គាល់កូនៗ ជាទីស្រលាញ់ ដែលអាចធ្វើឲ្យកូនក្លាយជា បុគ្គលជោគជ័យ និងអ្នកដឹកនាំ ក្នុងថ្ងៃអនាគតបាន។
១. កូននិយាយច្រើន
នៅពេលដែលកូននិយាយច្រើន ដោយចូលចិត្តនិយាយជាមួយអ្នក នោះអនាគតកូននឹងមិនធម្មតាទេ ព្រោះគេមានទម្លាប់ចេះប្រាស្រ័យទាក់ទងតាំងពីតូច។ ដូចនេះ នៅពេលដែលគេពេញវ័យ ទំនាក់ទំនងក្នុងសង្គមរបស់គេនឹងទូលាយ ដោយធ្វើឲ្យមានមនុស្សជាច្រើនអាចចេញមុខជួយគេឲ្យជោគជ័យបាន។
២. គោរពចាស់ទុំ
នៅពេលដែលកូនម្នាក់ចេះគោរពចាស់ទុំ ដោយអ្នកមិនបានបង្រៀននោះកូនអ្នកជាបុគ្គលដែលអាចទទួលបានការគោរព និងស្រឡាញ់ពីអ្នកដទៃច្រើន ព្រោះគេចេះគោរពអ្នកដទៃតាំងពីតូច។
ដូចនេះ មិនថាគេដើរដល់ផ្លូវលំបាកបែបណាទេ សុទ្ធតែមានអ្នកស្ម័គ្រចិត្តចេញមុខ ជួយឲ្យផុតពីគ្រោះថ្នាក់ជានិច្ច។ ជាហេតុដែលធ្វើឲ្យគេអាចដើរដល់ផ្លូវជោគជ័យបាន។
៣. ចូលចិត្តអានអក្សរ
គ្រប់បុគ្គលជោគជ័យ តែងមានទម្លាប់១នេះ។ ជាធម្មតានៅពេលដែលមាតាបិតានាំកូនដើរផ្សារម្ដងៗ កូនភាគច្រើនមើលឃើញតែរបស់លេងទេ ដោយមើលមិនឃើញអ្វីផ្សេងឡើយ។ ប៉ុន្តែបើកូនអ្នកបែរជាចាប់អារម្មណ៍លើសៀវភៅ ហើយចូលចិត្តអានអក្សរតាមជញ្ជាំង នោះមានន័យថា កូននឹងអាចជោគជ័យខ្លាំងក្នុងពេលអនាគត។ គេនឹងអាចក្លាយជាបុគ្គលជោគជ័យ និងជាអ្នកដឹកនាំម្នាក់ ជាមិនខានឡើយ៕