មកស្គាល់ប្រវត្តិខ្លះៗ របស់កញ្ញាឯកអាស៊ីប៉ាស៊ីហ្វិកកម្ពុជា កំពុងប្រកួតសម្រស់នៅហ្វីលីពីន

2018-09-16 03:03:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ខា អានឆានី ជាបេក្ខភាពតំណាងកម្ពុជា ចូលរួមប្រកួតកញ្ញាឯកអាស៊ីប៉ាស៊ីហ្វិកអន្តរជាតិឆ្នាំ ២០១៨ ប្រារព្ធធ្វើឡើងនៅទីក្រុង ម៉ានីល ប្រទេសហ្វីលីពីន ដែលប្រកួតផ្ដាច់ព្រ័ត្រនៅថ្ងៃទី ៤ ខែតុលា ឆ្នាំ ២០១៨ខាងមុខនេះ ។

(រូបភាព៖ Page Miss Cambodia )

មានស្រុកកំណើតនៅខេត្តកំពង់ចាម ជានារីមានភាពអត់ធ្មត់ និងចូលចិត្តរស់នៅបែបសាមញ្ញ។ ស្រីស្អាតរូបនេះ មិនមែនកើតចេញពីត្រកួលអ្នកមានឡើយ ដោយគ្រួសារជាកសិករ។ ពេលទំនេរ ឆានី ចូលចិត្តនៅផ្ទះអានសៀវភៅប្រលោមលោក និងស្ដាប់ចម្រៀង។ បច្ចុប្បន្ន ឆានី កំពុងសិក្សាមុខជំនាញគ្រប់គ្រង សណ្ឋាគារ និងបដិសណ្ឋារកិច្ច នៅរាជធានីភ្នំពេញ។

ការបោះជំហានមកប្រលងជាកញ្ញាឯក ដោយសារតែក្ដីស្រលាញ់ ដែលជាឱកាសសម្រាប់ឈានទៅរកអាជីពដែលឆានី ស្រមៃជាយូរមកហើយ គឺតារាសម្តែង និងបង្ហាញម៉ូដ។ ពេលនេះ ឆានី កំពុងមានវត្តមាននៅលើទឹកដីប្រទេសហ្វីលីពីន ដើម្បីប្រកួត កញ្ញាឯកអាស៊ីប៉ាស៊ីហ្វិកអន្តរជាតិលើកទី៥០ ជាមួយកញ្ញាឯកផ្សេងទៀត មកពីបណ្ដាលប្រទេសជុំវិញពិភពលោក ដែលកញ្ញា បានចាកចេញពីកម្ពុជាតាំងពីថ្ងៃទី១៤ ខែ កញ្ញា ថ្មីៗនេះ។

កញ្ញា ឆានី និង កញ្ញាឯកផ្សេងៗនៅប្រទេសហ្វីលីពីន

កញ្ញា ខា អានឆានី បានបង្ហាញអារម្មណ៍រំភើបថា ៖ "នាងខ្ញុំជឿជាក់ថា ដើម្បីសម្រេចឲ្យបាននៅក្នុងការប្រកួតបវរកញ្ញាកម្ពុជា អ្នកត្រូវតែមានការយល់ដឹង រួមជាមួយគំនិតនៃការកោតសរសើរយ៉ាងជ្រាលជ្រៅចំពោះវប្បធម៌របស់ជាតិយើង។ វាពិតជាមានសារៈ សំខាន់ណាស់ ពិសេសក្នុងខណៈដែលអ្នកនឹងតំណាងឲ្យប្រទេសជាតិនៅក្នុងការប្រកួតជាអន្តរជាតិមួយ។ អ្នកត្រូវតែអាចលើកកម្ពស់សម្រស់នៃវប្បធម៌ខ្មែរបាន"៕