Maurizio Sarri បង្ហាញពីបញ្ហាមួយរបស់ Eden Hazard

2018-09-16 07:25:01
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Maurizio Sarri បានបញ្ជាក់ថា Eden Hazard នៅតែត្រូវរៀនសូត្របន្ថែមដើម្បីអភិវឌ្ឍសមត្ថភាព បើទោះជា Hazard ទើបរកបាន៣គ្រាប់ម្នាក់ឯងក្នុង១ប្រកួត (hat-trick) ក្តី។ បើតាមគ្រូបង្វឹក Chelsea កីឡាករសញ្ជាតិបែលហ្សិកគឺជាកីឡាករល្អបំផុតនៅអឺរ៉ុប ប៉ុន្តែត្រូវការបន្ថែមភាពឆ្លាតវៃនៃរបៀបលេង។

កីឡាករវ័យ ២៧ ឆ្នាំចាប់ផ្តើមរដូវកាលថ្មីបានយ៉ាងល្អជាមួយគ្រូថ្មី ដោយស៊ុតបញ្ចូលទីបាន៥គ្រាប់ បញ្ជូនឲ្យគេស៊ុតបាន២គ្រាប់។ គ្រាប់ដែលស៊ុតយកឈ្នះទល់នឹងក្រុម Cardiff សុទ្ធតែជាគ្រាប់បាល់ដែលស៊ុតចេញពីមុំខុសៗគ្នា ដែលជាការលេងបែបសម្រុកពីក្រោម (build-up) គឺជាយុទ្ធសាស្រ្តរបស់គ្រូបង្វឹកដែលគេឲ្យឈ្មោះថា Sarri “Ball”។ នេះបើតាម Sportskeeda ចុះផ្សាយថ្ងៃនេះ។

លោក Sarri បាននិយាយថា: "ខ្ញុំគិតថាគាត់គឺជាកីឡាករល្អបំផុតម្នាក់ក្នុងចំណោមកីឡាករល្អបំផុតនៅទ្វីបអឺរ៉ុប ប៉ុន្តែពេលនេះខ្ញុំផ្លាស់ប្តូរចិត្ត ហើយគិតថាគាត់គឺជាកីឡាករល្អបំផុត" ។

”ខ្ញុំគិតថាគាត់អាចលេងឲ្យឆ្លាតជាងនេះ។...គាត់អាចសន្សំកម្លាំងជាងបច្ចុប្បន្ន ដែល[ប្រឹង]តាំងពី៥០ ទៅ៦០ម៉ែត្រមុខទីគូប្រកួត"។

Sarri បន្ថែមថានៅពេល Harzard ប៉ះបាល់៥ទៅ៦ដងមុនពេលបានស៊ុត អីចឹងវានាំឲ្យថយកម្លាំង។ ហេតុដូច្នេះ Sarri ណែនាំថា Hazard គួរតែប្រឹងនៅរវាងចម្ងាយ២៥ម៉ែត្រមុខទីគូបដិបក្ខគឺជាការប្រយុទ្ធដ៏ឆ្លាតវៃបំផុត។

Sarri ថា Hazard អាចទាត់បាល់បញ្ចូលទីបានពី ៣០ ទៅ ៣៥ គ្រាប់នៅរដូវកាលនេះ ក្រោមការដឹកនាំរបស់លោករដូវកាលនេះ៕

ប្រភព៖ Sports Keeda ប្រែសម្រួល៖ សុខ លាងហ៊ត