នេះជារបស់របរ និងបណ្ដាំចុងក្រោយបង្អស់នៃបិតាសប្បុរសសង្គ្រោះជីវិតកុមារកម្ពុជា

2018-09-16 08:34:57
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកវេជ្ជបណ្ឌិត Beat Richner ត្រូវបានមហាជនដាក់នាមលោកជាបិតាសប្បុរសសង្គ្រោះជីវិតកុមារកម្ពុជា ជាមនុស្សដែលហ៊ានលះបង់គ្រប់យ៉ាងសូម្បីតែជីវិតខ្លួន។ បើទោះបីលោកបានបាត់ពីលោកនេះ ក៏ពិតមែន តែក្ដីស្រឡាញ់ចំពោះប្រទេសកម្ពុជានៅតែមាន។ ខាងក្រោមនេះ ជារបស់របរ និងបណ្ដាំចុងក្រោយនៃវីរបុរសកុមារកម្ពុជា៖

រថយន្ត Landrover ស៊េរីចាស់ដែលលោក Beat Richner ជិះធ្វើការរាល់ថ្ងៃ រហូតដល់ថ្ងៃធ្លាក់ខ្លួនឈឺទៅព្យាបាលនៅស្រុកកំណើតឯប្រទេសស្វីស។ របស់មួយទៀត គឺវ៉ាលីពណ៌ក្រហមមួយ ខ្មៅមួយ និងកូនវីយូឡុង ដែលលោកតែងយកតាមខ្លួនទោះទៅដល់ទីណាក៏ដោយ។

រីឯបណ្ដាំរបស់លោកវេជ្ជបណ្ឌិត គឺគ្មានអ្វីក្រៅពីចង់ឱ្យមន្ទីរពេទ្យនៅដំណើរការជានិរន្ត ដើម្បីអាចព្យាបាល និងជួយសង្គ្រោះអាយុជីវិតកុមារកម្ពុជាបន្តទៀត។

លោកវេជ្ជបណ្ឌិត Beat Richner បានមានប្រសាសន៍ថា ទោះបីអត់ពីលោកក៏ដោយ លោកបានគិតហើយថា លោកចាស់ទៅហើយ លោកមិនអាចកូដវីយូឡុងទៀតទេ។ លោកមានប្រសាសន៍ថា លោកខំរកលុយទុក និងខំរៀបចំប្រព័ន្ធ ឱ្យមន្ទីរពេទ្យឱ្យដំណើរការបាន និងស្ថិតស្ថេរជានិរន្ត ដើម្បីប្រយោជន៍កុមារ ។ នេះបើតាមលោកវេជ្ជបណ្ឌិត ហេង សុធី ដោយបានដកស្រង់ប្រសាសន៍លោកវេជ្ជបណ្ឌិត Beat Richner។

អត្ថបទ៖ ស៊ិន សាវ៉េត