តាមរយៈរូបមួយសន្លឹកនេះ អ្នកគាំទ្រជឿច្បាស់ថា HyunA នឹងទៅជ្រកក្រោមផលិតកម្ម Jay Park

2018-09-17 02:10:04
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រពិតជាមានការភ្ញាក់ផ្អើលជាថ្មីទៀតហើយ ពេលឃើញអ្នកតុបតែងខ្លួនឲ្យ HyunA បង្ហោះស្លាកសញ្ញាផលិតកម្ម AOMG លើ Instagram Story របស់លោកកាលពីចុងសប្ដាហ៍។

មួយរយៈចុងក្រោយនេះ អ្នកគាំទ្រជាច្រើននាំគ្នាផ្ដោតការតាមដានខ្លាំងចំពោះ HyunA បន្ទាប់ពីរឿងរ៉ាវជាច្រើនបានកើតឡើងបន្តបន្ទាប់មកលើនាង ពិសេសទាក់ទងនឹងព័ត៌មានជុំវិញដំណើរចាកចេញពីផលិតកម្ម Cube។ ប៉ុន្តែគ្រប់គ្នាក៏ភ្ញាក់ថែមមួយកម្រិត ពេលឃើញអ្នកចេញម៉ូដប្រចាំម្នាក់របស់ HyunA បង្ហោះស្លាកសញ្ញារបស់ AOMG ដែលជាផលិតកម្មបង្កើតឡើងដោយ Jay Park អតីតមេក្រុម 2PM។

អមជាមួយរូបនោះ លោកក៏បានសរសេរឃ្លាថា "ធ្វើឲ្យបានល្អទាំងអស់គ្នា” ដែលជាហេតុគ្រប់គ្នាសន្និដ្ឋានថា HyunA នឹងធ្វើការក្រោមផលិតកម្មនេះនាពេលអនាគត។

ស្របពេលជាមួយគ្នានោះ អ្នកគាំទ្រក៏បានកត់សម្គាល់ឃើញដែរថា អ្នកចាត់ចែងរបស់តារាស្រីរូបនេះ គឺលោក Song Jung Eun ក៏បានលុបពាក្យ Cube Entertainment ចេញពី Instagram bio របស់នាងដែរ។ ទោះបីគ្មានសេចក្ដីថ្លែងការណ៍ណាមួយក្រោយមានរឿងរ៉ាវជាមួយ Cube ប៉ុន្តែអ្នកគាំទ្រជឿជាក់មុតមាំថា HyunA និងក្រុមការងារកំពុងដោះស្រាយ ស្វែងរកផ្លូវថ្មីល្អជាងនេះហើយ។