ចិនប្រកាសអាសន្នរោងចក្រថាមពលនុយក្លេអ៊ែរ កំពុងត្រូវខ្យល់ព្យុះវាយប្រហារ
- 2018-09-17 06:38:51
- ចំនួនមតិ 0 | ចំនួនចែករំលែក 0
ចិនប្រកាសអាសន្នរោងចក្រថាមពលនុយក្លេអ៊ែរ កំពុងត្រូវខ្យល់ព្យុះវាយប្រហារ
ចន្លោះមិនឃើញ
ខ្យល់ព្យុះដ៏សាហាវបំផុតប្រចាំឆ្នាំនេះឈ្មោះ "មង្ឃុត” បានវាយប្រហារមកលើភាគខាងត្បូងប្រទេសចិនក្នុងខេត្ត Guangdong បណ្ដាលឲ្យមានភ្លៀងធ្លាក់ខ្លាំង និងខ្យល់បក់រហូតដល់ល្បឿនជាង ១៦០ គីឡូម៉ែត្រ។
ដំបូងឡើយខ្យល់ព្យុះនេះ បានបោកបក់មកភាគខាងជើងប្រទេសហ្វីលីពីនកាលពីថ្ងៃសៅរ៍ ដែលសម្លាប់មនុស្សរហូតជាង ៦០នាក់។ វាបានបន្ដដំណើរមកវាយប្រហារទីក្រុង ហុងកុងកាលពីម៉ោង ៥ល្ងាចថ្ងៃអាទិត្យនេះ ដោយបានបង្ខំឲ្យមនុស្សជាង ២លាននាក់ត្រូវជម្លៀសខ្លួន និងបានរាំងស្ទះផ្លូវជាច្រើនកន្លែង។ អ្វីដែលអាក្រក់ជាងនេះទៅទៀត រោងចក្រថាមពលនុយក្លេអ៊ែរចំនួនពីរឈ្មោះ Taishan និង Yangjiang ក្នុងខេត្ត Guangdong កំពុងស្ថិតក្នុងដំណាក់កាលប្រកាសអាសន្នបន្ទាន់ ដោយសារវាស្ថិតនៅលើផ្លូវដែលខ្យល់ព្យុះនឹងធ្វើដំណើរមកដល់។ យោងតាមមន្ត្រីឲ្យដឹងថា រោងចក្រថាមពលនុយក្លេអ៊ែរនេះ មានចម្ងាយប្រមាណ ១៣៥គីឡូម៉ែត្រពីទីក្រុង ហុងកុង ខណៈដែលខ្យល់ព្យុះនឹងមកដល់ក្នុងពេលដ៏ខ្លីខាងមុខ។
ទោះយ៉ាងណាក៏ដោយ អាជ្ញាធរកំពុងពិភាក្សាគ្នារកដំណោះស្រាយល្អបំផុតដើម្បីទប់ទល់មហន្តរាយធ្ងន់ធ្ងរដែលអាចបង្កឡើងដោយខ្យល់ព្យុះមង្ឃុត៕
ចុចអាន ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
