បទចម្រៀងអង់គ្លេសទាំង១៦ ជ្រើសរើសពិសេសសម្រាប់អ្នកមានអាការៈបាក់ទឹកចិត្ត
- 2018-09-17 08:05:00
- ចំនួនមតិ 0 | ចំនួនចែករំលែក 0
បទចម្រៀងអង់គ្លេសទាំង១៦ ជ្រើសរើសពិសេសសម្រាប់អ្នកមានអាការៈបាក់ទឹកចិត្ត
ចន្លោះមិនឃើញ
ចម្រៀងដើរតួជាច្រើនក្នុងជីវិតប្រចាំថ្ងៃ ក្នុងនោះក៏បានដើរតួជាអ្នកប្រឹក្សាអារម្មណ៍ ឬជាជំនួយដល់អ្នកមានអាការៈមិនសប្បាយចិត្ត អស់សង្ឃឹមក្នុងជីវិតតែម្ដង។ ដូច្នេះដើម្បីចាប់ផ្ដើមថ្ងៃដ៏ល្អរបស់អ្នក គួរតែចាប់ផ្ដើមស្ដាប់បទទាំងនេះ ដើម្បីធ្វើឲ្យពេលអ្នកឈានជើងចេញពីផ្ទះភ្លាម អ្នកនឹងមានកម្លាំងចិត្តក្នុងការប្រកបការងារ ឬសិក្សាឲ្យកាន់តែល្អមួយកម្រិតទៀត។
បើចង់ដឹងថាបទចម្រៀងនោះមានចំណងជើង និងអត្ថន័យយ៉ាងម៉េចខ្លះតាមដានទាំងអស់គ្នា៖
១. “Fight Song” ច្រៀងដោយ Rachael Platten
បទនេះបង្ហាញពីអារម្មណ៍ជឿជាក់លើខ្លួនឯងថា ទោះបីជាមានឧបសគ្គយ៉ាងណាយ៉ាងណាក៏ដោយ ក៏នៅតែជម្នះវាឲ្យទាល់តែបាន។ "I'll play my fight song. And I don't really care if nobody else believes, cause I've still got a lot of fight left in me.”
២. “Now Is The Start” ច្រៀងដោយ A Fine Frenzy
បទនេះបញ្ជាក់ពីគោលដៅថ្មីរបស់មនុស្សម្នាក់នឹងកែប្រែជីវិតគេទាំងស្រុង។ គេនឹងបន្លឺពីសំឡេងដែលធ្លាប់តែស្ងាត់ពីមុន ពីទីតាំងមួយដែលធ្លាប់វង្វេងប៉ុន្តែបានរកឃើញ ហើយក៏ជាសំឡេងនៃការចាប់ផ្ដើមថ្មីមួយ។ "It's the sound of a mute gone loud. It's the sound of a new start.”
៣. “I Choose” ច្រៀងដោយ India Arie
ឃ្លាដ៏មានអត្ថន័យបំផុតក្នុងបទចម្រៀងនេះគឺ ព្រោះអ្នកមិនដឹងទេថាជីវិតនឹងធ្វើឲ្យអ្នករសាត់អណ្ដែងនៅកន្លែងណាមួយ ហើយក៏មិនបានផ្លាស់ប្ដូរនូវអ្វីដែលបានកើតឡើងនោះទេ។ ក៏ប៉ុន្តែថ្ងៃនេះ អ្នកមានឱកាសក្នុងជ្រើសរើសផ្លូវជីវិតថ្មីមួយ។
៤. “Swim” ច្រៀងដោយ Jack's Mannequin
បទនេះប្រៀបធៀបបីដូចជីវិតយើងកំពុងតែលង់ក្នុងទឹក ដូច្នេះយើងត្រូវតែហែល ត្រូវតែទៅកាន់ច្រាំងដើម្បីឲ្យមានសង្ឃឹមនិងរស់រានមានជីវិត។
៥. “Let It Go” នៅក្នុងរឿង "Frozen”
ទោះបីជាបទចម្រៀងនេះនៅក្នុងភាពយន្តគំនូរជីវចលក៏ដោយ បទ "Let It Go” បង្ហាញពីអារម្មណ៍មួយលះបង់នូវភាពខ្មាសអៀន ឬអារម្មណ៍ដែលមិនហានបញ្ចេញពីមុនមក ដើម្បីសម្រេចការងារមួយដែលសំខាន់ក្នុងជីវិត។
៦. “Let Me Be Myself” ច្រៀងដោយ 3 Doors Down
អត្ថន័យបទនេះក៏ស្រដៀងនឹងបទ "Let It Go” ដែរគឺកែប្រែជីវិតខ្លួនឲ្យបានល្អជាងមុន នឹងឈប់ខ្វល់ខ្វាយពីអ្នកដទៃ។
៧. “Firework” ច្រៀងដោយ Katy Perry
បទនេះជាបទមួយជំរុញឲ្យអ្នកស្គាល់ច្បាស់ពីតម្លៃខ្លួនឯង។ អ្នកគ្រប់គ្នាគឺដូចជាកាំជ្រួចអីចឹង ពោរពេញទៅដោយពន្លឺ និងភាពស្រស់ស្អាត ដូច្នេះត្រូវយកគំនិតនេះមកដាក់ក្នុងខ្លួនថា អ្នកពិតជាពូកែ និងមិនមានអ្នកណាអាចជំនួសបានទេ។
៨. “Empire In My Mind” ច្រៀងដោយ The Wallflowers
បទចម្រៀងផ្ដោតសំខាន់ទៅលើសុខភាពផ្លូវចិត្ត ព្រោះពេលខ្លះអ្នកអាចមានភាពងងឹតនៅក្នុងចិត្ត ពោលគឺពោរពេញទៅដោយភាពក្រៀមក្រំនិងពិបាកចិត្តច្រើន ប៉ុន្តែនៅក្នុងនោះក៏មានពន្លឺផងដែរ ដូច្នេះត្រូវតែចេះធ្វើចិត្តដើម្បីឲ្យមានលំនឹង។
៩. “People Like Us” ច្រៀងដោយ Kelly Clarkson
Kelly Clarkson គឺជាតារាចម្រៀងមួយរូបសម្បូរទៅដោយបទចម្រៀងលួងអារម្មណ៍ដូចជា "Dark Side” និង "Stronger” ជាដើម។ ចំពោះបទ "People Like Us” នេះបានបង្ហាញថាមនុស្សទាំងអស់សុទ្ធតែមានបញ្ហាដូចគ្នា ដូច្នេះយើងត្រូវតែចេះស្រលាញ់និងយកចិត្តទុកដាក់គ្នាទៅវិញទៅមក។
១០. “Collide” ច្រៀងដោយ Howie Day
បទនេះបង្ហាញពីភាពផ្ទុយគ្នា ឲ្យយើងយល់ថាទោះជាមានបញ្ហាអ្វីកើតឡើងក៏អ្នកមិនត្រូវអស់សង្ឃឹម។ "Even the best fall down sometimes.”។
១១. “The Little Birds” ច្រៀងដោយ Bob Marley
ទោះបីជាមានរឿងរ៉ាវយ៉ាងណាក៏ដោយ កុំបារម្ភច្រើនពេក កុំគិតច្រើនពេក អ្វីៗនឹងដោះស្រាយបាននៅពេលខាងមុខ។
១២. “Alive” ច្រៀងដោយ Sia
"ទោះបីជាមានបញ្ហាយ៉ាងក៏ដោយ ខ្ញុំនៅតែរស់ ខ្ញុំនៅតែជម្នះឲ្យទាល់តែបាន" នេះជាអត្ថន័យរួមសម្រាប់បទចម្រៀងដ៏មានន័យមួយនេះ។
១៣. “Beatiful Day” ច្រៀងដោយ U2
បទចម្រៀងនេះល្អបំផុតសម្រាប់ស្ដាប់នៅពេលព្រឹក ព្រោះថ្ងៃនេះគឺជាថ្ងៃល្អ កុំឲ្យអ្នកដទៃឬរឿងរ៉ាវអ្វី ដណ្ដើមពីអ្នកបាន។
១៤. “Overcomer” ច្រៀងដោយ Mandisa
អ្នកគឺជាជនម្នាក់អាចជម្នះរាល់ឧបសគ្គ តទល់ដល់ទីបំផុត អ្នកមិនត្រូវចុះចាញ់ជាដាច់ខាត។
១៥. “I Won't Back Down” ច្រៀងដោយ Tom Petty And The Heartbreakers
ទោះបីជាពិភពលោកនេះព្យាយាមធ្វើឲ្យអ្នកលំបាកខ្លាំងនិងចង់ចុះចាញ់ក៏ដោយ ត្រូវតែជម្នះឲ្យបាននឹងរឹងមាំ។
១៦. “Breathe” ច្រៀងដោយ Alexi Murdoch
ពិបាកចិត្តខ្លាំងមែនទេ? ជីវិតអ្នកប្រៀបដូចជាក្បាលនៅក្នុងទឹកមែនទេ? ត្រូវងើបឡើងឲ្យផុតពីផ្ទៃទឹកនិងដកដង្ហើមជានិច្ច អ្នកត្រូវតែរស់។