Costa ប្រឈមមុខអត់បានលេងរយៈពេលយូរ ក្រោយឲ្យកែងផង ស្ដោះទឹកមាត់ផងទៅគូប្រកួត

2018-09-17 12:59:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែស្លាប Douglas Costa អាចប្រឈមមុខនឹងការពិន័យមិនឲ្យចូលលេងរយៈពេលយូរ ក្រោយឲ្យកែង និងស្ដោះទឹកមាត់ទៅលើគូប្រកួត ក្នុងប្រកួត Juventus-Sassuolo។ នេះបើតាមការបញ្ជាក់របស់អ្នកចាត់ការក្លឹប Juventus លោក Massimiliano Allegri។

លោក Allegri បាននិយាយ៖ "វាគឺជារឿងត្រឹមត្រូវដែល គេ (Costa) ត្រូវតែទទួលការពិន័យ។ ខ្ញុំមានការភ្ញាក់ផ្អើលណាស់ចំពោះប្រតិកម្មរបស់គេនៅពេលនោះ។ យើងឲ្យ Sassuolo ស៊ុតចូលមួយគ្រាប់ បានកាតក្រហម ហើយ Costa នឹងទទួលការពិន័យរយៈពេលវែង"។

មិនទាន់មានរបាយការណ៍ណាត្រូវបានចុះផ្សាយនៅឡើយទេ ដែលបញ្ជាក់អំពីរយៈពេលដែល Costa មិនបានចូលលេងដោយសារការពិន័យ។ បើតាម The Sun កីឡាករអាចទទួលយ៉ាងតិចការពិន័យមិនឲ្យចូលលេងចំនួនយ៉ាងតិច ៣ ប្រកួត។

សូមបញ្ជាក់ផងដែរ ក្នុងប្រកួតយប់មិញ នៅអំឡុងនាទី ៩០ មានការប៉ះទង្គិចរវាង Costa និងកីឡាករម្នាក់របស់ Sassuolo។ នៅពេលនោះ កីឡាករប្រេស៊ីលត្រូវបានមើលឃើញថា បានឲ្យកែង និងយកក្បាលទៅអុកនឹងគូប្រកួត ធ្វើឲ្យអាជ្ញាកណ្ដាលលើកកាតលឿង។ ជាង ២ នាទីក្រោយមក ការតានតឹងរវាងកីឡាករទាំងពីរនៅតែបន្ត។ នៅពេលនោះ ស្រាប់តែ Costa ស្ដោះទឹកមាត់ទៅលើកីឡាករ Sassuolo តែម្ដង ហើយក៏ទទួលកាតក្រហម។

ចប់ការប្រកួត Costa បានបង្ហោះសារលើបណ្ដាញទំនាក់ទំនងសង្គមដើម្បីធ្វើការសុំទោសក្លឹប Juventus និងអ្នកគាំទ្រខ្លួន៕