Klopp សន្យាថា មិនឲ្យកីឡាករខ្លួនធ្វើស៊ី Neymar ឲ្យរបួសនៅ Anfield ឡើយ
- 2018-09-18 02:17:05
- ចំនួនមតិ 0 | ចំនួនចែករំលែក 0
Klopp សន្យាថា មិនឲ្យកីឡាករខ្លួនធ្វើស៊ី Neymar ឲ្យរបួសនៅ Anfield ឡើយ
ចន្លោះមិនឃើញ
អ្នកចាត់ការរបស់ Liverpool លោក Jurgen Klopp បានធ្វើការសន្យាថា Liverpool នឹងមិនធ្វើឲ្យ Neymar របួសប្ដូរចេញក្នុងកីឡដ្ឋាន Anfield យប់នេះទេ។
Neymar និងសមាជិករបស់ Paris Saint-Germain បានមកដល់កីឡដ្ឋាន Anfield ហើយ ដើម្បីត្រៀមប្រកួតទីមួយជាមួយ Liverpool នៅ Champions League។ មុនប្រកួតមកដល់ Klopp បាននិយាយថា៖ "ពួកយើងនឹងមិនធ្វើស៊ីគេទេ។ ពួកយើងចង់លេងបាល់ និងមិនចង់ធ្វើរឿងអាក្រក់បែបនេះឡើយ។ ពួកយើងនឹងព្យាយាមលេងនៅមុខគេ។ Neymar ជាកីឡាករអស្ចារ្យម្នាក់"។
អ្នកចាត់ការសញ្ជាតិអាល្លឺម៉ង់ក៏បានរំឭកដល់ព្រឹត្តិការណ៍ World Cup ២០១៨ ថា បែលហ្ស៊ិកលេងល្អណាស់ ពេលយកឈ្នះប្រេស៊ីល។ តែពេលនោះបើ Neymar មិនរបួស ប្រេស៊ីលនឹងឈ្នះ។ Liverpool នឹងត្រូវប្រកួតជាមួយ PSG យប់នេះម៉ោង២រំលងអាធ្រាត្រ៕