ឥឡូវគុណនឹង ១០ តែដំបូងបំផុត ស៊ឹម សុវណ្ណារ៉ុង ទទួលបានថ្លៃពលកម្ម តិចមិននឹកស្មាន!
- 2018-09-18 03:28:02
- ចំនួនមតិ 0 | ចំនួនចែករំលែក 0
ឥឡូវគុណនឹង ១០ តែដំបូងបំផុត ស៊ឹម សុវណ្ណារ៉ុង ទទួលបានថ្លៃពលកម្ម តិចមិននឹកស្មាន!
ចន្លោះមិនឃើញ
គិតត្រឹមបច្ចុប្បន្នតារាចម្រៀងមកពីខេត្តបាត់ដំបង ស៊ឹម សុវណ្ណារ៉ុង បានកើនតម្លៃខ្លួនគុណនឹង ១០ ធៀបនឹងកាលចេញច្រៀងពីដំបូង ដែលបានថ្លៃហត់នឿយតិចតួចបំផុត។
ស៊ឹម សុវណ្ណារ៉ុង បានចាកចោលទីកំណើតនាស្រុកកំរៀងខេត្តបាត់ដំបងក្រោមសម្ពាធសេដ្ឋកិច្ចគ្រួសារ នាអំឡុងឆ្នាំ ២០១៤ យាត្រាមកកាន់ខេត្តព្រៃវែង។ ផ្ញើខ្លួននៅស្រុកគេ លោកបានចាប់អាជីពជាតារាដំបូងបំផុតក្នុងវង្សអកកេះរបស់អ្នកស្គាល់គ្នាមួយ។ ជាអ្នកចម្រៀងដ៏សាមញ្ញមួយរូប កាលណោះ ម្ចាស់បទ "កូនអកត្តញ្ញូ" បានថ្លៃឈ្នួលពលកម្មតិចតួចប៉ុណ្ណោះ សម្រាប់ដោះទ័ល។
“កាលណោះ ខ្ញុំនៅច្រៀងតាមវង់អកកេះ អីចឹងមិនបានច្រើនទេ...មួយកម្មវិធី គឺខ្ញុំទទួលបានតែ៣០ដុល្លារអីប៉ុណ្ណោះបងអើយ ហើយត្រូវបែងចែកតាមតម្រូវការច្រើនទៀត!”។ សុវណ្ណារ៉ុង ថ្លែង។
១យប់ ឬ១កម្មវិធី ស៊ឹម សុវណ្ណារ៉ុង ទទួលបាន ៣០ដុល្លារ ក្នុង១ខែជាមធ្យមលោកអាចទទួលបានការងារជាមធ្យមប្រមាណ ៧-៨ កម្មវិធី។ ចំណូលពីការងារច្រៀង សាមីខ្លួនប្រាប់ថា មួយចំណែក ត្រូវផ្ញើទៅជួយគ្រួសារនៅឯស្រុក មួយចំណែកសម្រាប់ការចាយវាយផ្ទាល់ខ្លួន និងមួយចំណែកទៀត គឺយកទៅផលិតបទចម្រៀង។
ក្រោយពីបានតស៊ូច្រៀងតាមអកកេះ ប្រមាណ ៣ឆ្នាំ មកដល់ឆ្នាំ ២០១៧ សុវណ្ណារ៉ុង ក៏ចាប់ផ្ដើមល្បីឈ្មោះខ្លាំង ក្រោយពីលោកបានចេញបទ "កុំទ្រាំស្នេហ៍អ្នកក្រដូចបង" ដែលនិពន្ធដោយលោកផ្ទាល់ និងធ្វើបទភ្លេងថ្មីដោយឌីជេ ខាណា ជាពលករនៅថៃដូចគ្នា រួមទាំងមិត្តភ័ក្ដិផ្សេងទៀត។ មកទល់បច្ចុប្បន្ន តារាចម្រៀងនិយមស្រគត់ស្រគុំ បានផ្លាស់ប្ដូរមកជាតារាចម្រៀងច្រៀងតាម ខុនសឺតធំៗវិញ។
តម្លៃហត់នឿយរបស់លោកនាពេលបច្ចុប្បន្ន ចាប់ពី ៣០០-៤០០ដុល្លារក្នុងមួយកម្មវិធីសម្រាប់ខែប្រាំង។ ដោយឡែកខែវស្សា ចុះទាបជាងនេះបន្តិចបន្តួចដោយសារមិនសូវមានការងារ។ តួលេខខាងលើ នៅតែទាបជាឆ្ងាយជាមួយតារាចម្រៀងអាជីពផ្សេងទៀត។ យ៉ាងនេះក្ដី លោកបញ្ជាក់ថា នឹងព្យាយាមបន្តទៀត តាមរយៈធ្វើបទថ្មីៗចេញលើបណ្ដាញសង្គម។
ថ្មីៗនេះ ស៊ឹម សុវណ្ណារ៉ុង ទើបចេញបទ "ស្ទាវក្រដូចបង" និងបទ "កូនអកត្តញ្ញូ" សម្រាប់ពិធីបុណ្យភ្ជុំបិណ្ឌខាងមុខ៕