ទីបំផុត ពូបង្កើត Hailey បញ្ជាក់ជាផ្លូវការថា នាង និង Justin ពិតជាបានរៀបការមែន
- 2018-09-19 01:57:46
- ចំនួនមតិ 0 | ចំនួនចែករំលែក 0
ទីបំផុត ពូបង្កើត Hailey បញ្ជាក់ជាផ្លូវការថា នាង និង Justin ពិតជាបានរៀបការមែន
ចន្លោះមិនឃើញ
ទីបំផុត តារាសម្ដែង Alec Baldwin ដែលត្រូវជាពូបង្កើត តារាម៉ូដែល Hailey Baldwin បានបញ្ជាក់ប្រាប់សារព័ត៌មាន អំឡុងពេល ចូលរួមកម្មវិធី Emmy Awards ថា ក្មួយស្រីរបស់លោក ពិតជាបានរៀបការជាមួយ Justin Bieber មែន។
បើតាមតារាសម្ដែងរូបនេះ បានប្រាប់ថា៖ "ពួកគេទើបសម្រេចចិត្តរៀបការភ្លាមៗ ខ្ញុំក៏មិនដឹងថាហេតុអីដែរ"។ គួរបញ្ជាក់ថា កាលពីថ្ងៃព្រហស្បតិ៍ តារាចម្រៀង Justin Bieber និង Hailey Baldwin បានបង្ហាញវត្តមានរបស់ពួកគេ នៅឯតុលាការ ដើម្បីចុះសំបុត្រអាពាហ៍ពិពាហ៍។
ទោះជាយ៉ាងណាក៏ដោយ ក្រោយពីរូបភាពនៅតុលាការត្រូវបានបែកធ្លាយរួចមក តារាម៉ូដែល Hailey Baldwin បានបង្ហោះសារលើបណ្ដាញសង្គម Twitter របស់នាង ដោយបដិសេធថា នាងមិនទាន់រៀបការនោះទេ។ ទោះបីជាសាមីខ្លួនបដិសេធយ៉ាងនេះក្ដី ប៉ុន្តែបើតាមប្រភពមួយនៅតែអះអាងដដែលថា ពួកគេពិតជាបានរៀបការរួចមកហើយ ចំពោះពិធីរៀបអាពាហ៍ពិពាហ៍វិញ ក៏ត្រូវបានរៀបចំរួចហើយដែរ៕