មើលជើងស៊ីម iPhone XS Max លក់នៅចិន ពិតជាប្លែក
- 2018-09-19 02:18:36
- ចំនួនមតិ 0 | ចំនួនចែករំលែក 0
មើលជើងស៊ីម iPhone XS Max លក់នៅចិន ពិតជាប្លែក
ចន្លោះមិនឃើញ
វីដេអូបង្ហាញពី iPhone XS/XS Max បានបង្ហោះចេញព្រោងព្រាតលើបណ្ដាញ YouTube កាលពីយប់មិញនេះ មុនការចេញលក់ផ្លូវការពីរថ្ងៃ។ វីដេអូដែលបង្ហោះចេញឡើង មានវីដេអូមួយនិយាយជាភាសាចិន អាចឲ្យគេបានឃើញពីលក្ខណៈពិសេសនៃជើងស៊ីម iPhone XS Max ដែលលក់នៅប្រទេសចិន។
វីដេអូបានបង្ហាញពីជើងស៊ីមដែលអាចដាក់ស៊ីមបានទាំងសងខាង មានលក្ខណៈប្លែកពីជើងស៊ីម iPhone XS Max ដែលលក់ក្រៅទឹកដីប្រទេសចិន។ ក្រៅពីជើងស៊ីមប្លែកហើយ សូម្បីតែការបង្ហាញសេវានៃប្រព័ន្ធទូរសព្ទក៏ចម្លែកណាស់ដែរ ដោយសេវានៃប្រព័ន្ធទូរសព្ទស្ថិតនៅពីលើគ្នាតែម្ដង។
គួរដឹងថាក្នុងប្រទេសចិនមានតែ iPhone XR និង XS Max ប៉ុណ្ណោះដែលមានជើងស៊ីមពិសេសបែបនេះ អាចប្រើប្រាស់ប្រព័ន្ធទូរសព្ទពីរក្នុងពេលតែមួយ។ ចំណែក iPhone ជំនាន់ថ្មីដែលលក់ក្រៅទឹកដីប្រទេសចិនមានប្រើប្រាស់បច្ចេកវិទ្យាស៊ីមពីរ eSIM ដោយមានស៊ីមមួយបង្កប់ក្នុងតួម៉ាស៊ីនរួចជាស្រេច។ យ៉ាងណា eSIM នេះ បច្ចុប្បន្នអាចប្រើបានតែក្នុងប្រទេសចំនួន ១០ ប៉ុណ្ណោះ ដោយគ្មានប្រទេសកម្ពុជានោះទេ៕