ហេតុផល Paris Fashion Week ជ្រើស Mai ទៅចូលរួមជំនួស Chompoo ត្រូវទម្លាយ

2018-09-19 02:25:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Mai Davika កំពុងក្លាយជាប្រធានបទថ្មីលើវិបសាយសារព័ត៌មានក្នុងប្រទេសថៃទាក់ទងនឹងវត្តមានចូលរួមកម្មវិធី Paris Fashion Week ជំនួសរៀមច្បងរបស់ខ្លួន Chompoo Araya។

កម្មវិធី Paris Fashion Week ឆ្នាំ ២០១៨ នឹងប្រព្រឹត្តិទៅចាប់ពីថ្ងៃទី ២៥ ខែកញ្ញា ដល់ថ្ងៃទី ០៣ ខែតុលា នៅទីក្រុងប៉ារីស ប្រទេសបារាំង។ ដោយឡែកតារាល្បីប្រចាំប្រទេសថៃ ដែលត្រូវបានអញ្ជើញឲ្យចូលរួមនោះ គឺ Mai Davika។

លើកឡើងចំពោះការអញ្ជើញនេះ Mai បានថ្លែងថាខ្លួនមានក្ដីរំភើបជាខ្លាំង ហើយក៏ត្រៀមខ្លួនរួចជាស្រេចដែរក្នុងការចូលរួមកម្មវិធីពិសេសនេះលំដាប់ថ្នាក់អន្តរជាតិនេះ។ នាងបានហាត់សម ដើរនៅផ្ទះ ស្ទើររាល់ថ្ងៃដើម្បីឲ្យស៊ាំ ពេលបង្ហាញខ្លួនសម្រាប់ពេលវេលាពោរពេញដោយកិត្តិយសនោះ។

ដោយឡែក ដោយសារ Chompoo មិនត្រូវបានអញ្ជើញចូលរួមក្នុងកម្មវិធីនេះដូចសព្វដង ទើបអ្នកគាំទ្រគិតថា វត្តមានរបស់ Mai គឺជាការជំនួសទៅវិញ។ ទាក់ទងនឹងបញ្ហានេះ អ្នកតំណាងរបស់ អ្នកម្ដាយកូន ២ បានប្រាប់ថា នេះមិនមែនជាការចាប់ដាក់ជំនួសនោះទេ តែដោយសារ Mai ត្រូវបានជ្រើសជាតារាតំណាងផលិតផលម្នាក់ទៀត ទើបនាងមានមុខចូលរួមកម្មវិធីនេះ៕

ប្រភព៖ Daradaily ប្រែសម្រួល៖ យី សុធារី