ម្ចាស់មេដាយមាសកីឡារាំកម្រិតអាស៊ី បោះបង់អ៊ុយក្រែនមកជួយកម្ពុជាព្រោះ...

2018-09-19 02:52:16
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្ពុជាបានដណ្ដើមបានមេដាយមាសចំនួន ១ គ្រឿង ប្រាក់១ និងសំរឹទ្ធ ៤ គ្រឿងពីព្រឹត្តិការណ៍កីឡារាំកម្រិតអាស៊ីដែលទើបតែបញ្ចប់កាលពីពេលថ្មីនេះនៅទឹកដីហុងកុង។

កីឡាករ ច័ន្ទ វ៉ិចទ័រ និងកីឡាការិនី ព្រាប ដានីអែលឡា ឈ្នះមេដាយមាសពីការប្រកួតសម្ដែងវិញ្ញាសាគូបុរស-នារី 5-Dance ក្នុងផ្នែក Asian Hong Kong Open 2018។ អ្នកទាំងពីរជាអតីតកីឡាករ-កីឡាការិនីរបស់ជម្រើសជាតិប្រទេសអ៊ុយក្រែន ដែលសុខចិត្តបោះបង់ប្រទេសនោះមកចូលរួមជាមួយកម្ពុជាអស់មួយរយៈពេលមកហើយ។

បើតាមសាមីខ្លួនទាំងពីរបានឲ្យដឹងថា ពួកគេស្រលាញ់ប្រទេសកម្ពុជា និងចង់មកចែករំលែកបទពិសោធ និងបង្ហាត់បង្ហាញក្បាច់រាំដែលខ្លួនមានដល់ប្រជាជនកម្ពុជា។ ពិសេសពួកគេបានព្យាយាមជួយកីឡាករកម្ពុជាឲ្យទទួលបានចំណេះដឹងថ្មីៗ និងបច្ចេកទេសរាំយ៉ាងល្អរហូតធ្វើបានជោគជ័យក្នុងការប្រកួតលើឆាកអន្តរជាតិលើកដំបូងក្នុងព្រឹត្តិការណ៍ខាងលើ។

ទាក់ទងចំណុចខ្វះខាតអ្នកទាំងពីរដែលមានតួនាទីជាគ្រូបង្ហាត់ផងនោះបានរៀបរាប់ថា កីឡាករកម្ពុជានៅស្ទើរបទពិសោធ។ ទាក់ទងការរៀបចំត្រៀមស៊ីហ្គេមឆ្នាំ២០១៩ លោកជំទាវ ញ៉ែម មរកត ប្រធានសហព័ន្ធកីឡារាំបានអះអាងថា សហព័ន្ធមានផែនការបញ្ជូនកីឡាករ-កីឡាការិនីកម្ពុជាទៅហ្វឹកហាត់នៅក្រៅប្រទេសបន្ថែម ប៉ុន្តែនៅខ្វះថវិកា ដែលទាមទារឲ្យបង្ខំចិត្តហ្វឹកហាត់នៅក្នុងស្រុកជាបណ្ដោះអាសន្នសិន។

ប៉ុន្តែលោកស្រីមានក្ដីរំពឹងថា នឹងអាចទទួលបានមេដាយក្នុងព្រឹត្តិការណ៍ស៊ីហ្គេមនៅហ្វីលីពីននាឆ្នាំក្រោយ៕

អត្ថបទ៖ ស្រី សុវណ្ណដារ៉ា