ថ្មីទៀតហើយ! ម្ដងនេះ ឌុច លីដា ប៉ះរឿងកម្ម ជួបទុក្ខពីដើមដល់ចប់
- 2018-09-19 04:34:30
- ចំនួនមតិ 0 | ចំនួនចែករំលែក 0
ថ្មីទៀតហើយ! ម្ដងនេះ ឌុច លីដា ប៉ះរឿងកម្ម ជួបទុក្ខពីដើមដល់ចប់
ចន្លោះមិនឃើញ
ចុងខែ កញ្ញា នេះ PNN ត្រៀមបង្ហាញរឿងភាគខ្មែរថ្មីសន្លាងមួយទៀត ចំណងជើងថា "សមុទ្រទឹកភ្នែក" សម្ដែងដោយ ឌុច លីដា ដែលអាចនឹងធ្វើឲ្យទស្សនិកជនស្រក់ទឹកភ្នែក ចូលអារម្មណ៍មនោសញ្ចេតនាលន្លង់លន្លោចជាមួយសាច់រឿងមិនខាន។
"សមុទ្រទឹកភ្នែក" ត្រូវបានប្រគល់សិទ្ធទៅឲ្យផលិតកម្ម Adcreator ដោយមានសម្ដែងដោយតារាល្បីៗដូចជា លោក អ៊ិន សុធា កញ្ញា ឌុច លីដា លោក ប៉ែន ភ័ក្ត្រសុធារិទ្ធ កញ្ញា ម៉ៃយ៉ា រួមជាមួយតារាចាស់ ថ្មីជាច្រើនទៀត។
ខ្លឹមសារសំខាន់នៅក្នុងរឿងនេះ គឺផ្ដោតទៅលើខ្សែជីវិតរបស់នាង សូរិយា ដែលស្ថិតក្នុងជីវភាពក្រីក្រលំបាក ថែមទាំងមានម្ដាយឈឺ។ ដោយមានរូបសម្ផស្សស្រស់ស្អាត នាងត្រូវបានបុរសៗក្នុងភូមិស្ទើរតែគ្រប់គ្នាចាប់ចិត្តស្រឡាញ់។ ថ្ងៃមួយ សូរិយា បានជួបជាមួយស្ត្រីចំណាស់ម្នាក់ ដោយបានលួងលោមនាងឲ្យទៅភ្នំពេញ និងសន្យាថាជួយរកការងារឲ្យធ្វើ។ ហេតុតែចង់បានលុយក៏សុខចិត្តទៅភ្នំពេញ ដោយមិនដឹងខ្លួនថា ស្ត្រីចំណាស់នោះ ចង់បោកប្រាស់នាងឡើយ។
ភារក្ស គឺជាកូនអ្នកមានម្នាក់នៅភ្នំពេញ ដែលតែងតែដើរលេងផឹកស៊ីសប្បាយ និងប្ដូរស្រីគ្រប់ម៉ូត តែពេលចរចាយក សូរិយា ពីស្រ្តីចំណាស់នោះហើយ ខ្លួនបែរជាមានចិត្តអាណិតទៅវិញ ក្រោយដឹងពីដំណើរជីវិតនាង។ តើតទៅទៀត ជីវិតរបស់ សូរិយា នឹងទៅជាយ៉ាងណា? តើនាងជួបឧបសគ្គអ្វីបន្តទៅមុខទៀត ហើយដោះស្រាយបែបណា?
កុំភ្លេចរង់ចាំតាមដានរឿង "សមុទ្រទឹកភ្នែក" ដែលនឹងចាក់ផ្សាយនៅលើកញ្ចក់ទូរទស្សន៍ PNN ចាប់ពីថ្ងៃទី២១ កញ្ញា ២០១៨ វេលាម៉ោង ៧:៥០-៩:០០ យប់ រៀងរាល់ថ្ងៃព្រហស្បតិ៍-សៅរ៍ បន្ទាប់ពីរឿង «ដួងច័ន្ទ ដួងចិត្ត»។
ទស្សនាឈុតខ្លីសូមចុច៖