ចង់ក្លាយជាមន្ត្រីនគរបាលជាតិ បម្រើជាតិមាតុភូមិ ត្រូវមាន៦ចំណុចនេះដាច់ខាត

2018-09-19 05:11:42
ចំនួនមតិ 0 | ចំនួនចែករំលែក 0

ចន្លោះមិនឃើញ

មានយុវជនខ្មែរមិនតិចនាក់ឡើយ ចង់ក្លាយជាមន្ត្រីនគរបាលជាតិ ដើម្បីបម្រើជាតិមាតុភូមិ។ ក្នុងនោះក៏នៅមានយុវជនមួយចំនួនធំ មិនទាន់ដឹងច្បាស់អំពីលក្ខខណ្ឌ ដែលមន្ត្រីនគរបាលជាតិត្រូវតែមាន។ ខាងក្រោមនេះជាលក្ខខណ្ឌជ្រើសរើសមន្ត្រីនគរបាលជាតិ តែងតែកំណត់ឡើងក្នុងសេចក្ដីប្រកាស ពេលត្រូវការជ្រើសរើសម្ដងៗ។

១. ប៉ុស្តិ៍នគរបាលរដ្ឋបាល និងអធិការដ្ឋាននគរបាលក្រុង ស្រុក ត្រូវមានលក្ខណៈសម្បត្តិ៦ចំណុច៖

មានសញ្ជាតិខ្មែរ មានជីវប្រវត្តិច្បាស់លាស់ពុំធ្លាប់មានទោស
មានសុខភាពល្អ មានកាយសម្បទាមាំមួន (គ្មានរបួសស្នាម ឬរបួសប្រចាំកាយ)
ចំពោះបុរសត្រូវមានកម្ពស់ ១,៦៥ ម៉ែត្រឡើង មានទម្ងន់ពី ៥៥គីឡូក្រាម ដល់៦៥គីឡូក្រាម
ចំពោះនារីត្រូវមានកម្ពស់ ១,៥៥ឡើង មានទម្ងន់ពី៤៥គីឡូក្រាម ដល់៥៥គីឡូក្រាម
កម្រិតវប្បធម៌ជាតិ មានសញ្ញាបត្រចាប់ពីមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ
អាយុចាប់ពី១៨ ដល់២៥ឆ្នាំ សម្រាប់អ្នកដែលមានសញ្ញាបត្រមធ្យមសិក្សាទុតិយភូមិ និង៣០ឆ្នាំចុះ សម្រាប់អ្នកដែលមានសញ្ញាបត្របរិញ្ញាបត្រ

២. ការិយាល័យជំនាញ ត្រូវមានលក្ខណៈសម្បត្តិ៦យ៉ាងដូចខាងក្រោមនេះ៖

មានសញ្ជាតិខ្មែរ មានជីវប្រវត្តិច្បាស់លាស់ពុំធ្លាប់មានទោស
មានសុខភាពល្អ មានកាយសម្បទាមាំមួន (គ្មានរបួសស្នាម ឬរបួសប្រចាំកាយ)
ចំពោះបុរសត្រូវមានកម្ពស់ ១,៦៧ ម៉ែត្រឡើង មានទម្ងន់ពី ៥៧គីឡូក្រាម ដល់៦៧គីឡូក្រាម
ចំពោះនារីត្រូវមានកម្ពស់ ១,៥៥ឡើង មានទម្ងន់ពី៤៥គីឡូក្រាម ដល់៥៥គីឡូក្រាម
កម្រិតវប្បធម៌ជាតិ មានសញ្ញាបត្រចាប់ពីមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ
អាយុចាប់ពី១៨ ដល់២៥ឆ្នាំ សម្រាប់អ្នកដែលមានសញ្ញាបត្រមធ្យមសិក្សាទុតិយភូមិ និង៣០ឆ្នាំចុះ សម្រាប់អ្នកដែលមានសញ្ញាបត្របរិញ្ញាបត្រ។

ថ្មីៗនេះដែរក្រសួងមហាផ្ទៃបានប្រកាសជ្រើសរើសមន្ត្រីនគរបាលចំនួន៨០រូប ដើម្បីចូលបម្រើការងារក្របខណ្ឌនគរបាលជាតិ ក្នុងខេត្តតាកែវ។ ដើម្បីកាន់តែច្បាស់ សូមមើលសេចក្ដីប្រកាសដូចខាងក្រោមនេះ៖