៥ ចំណុចធ្វើឲ្យ iPhone មួយទឹក នៅតែពេញនិយមពីអ្នកប្រើប្រាស់

2018-09-19 07:16:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនជាច្រើនកំពុងមានលក់នៅលើទីផ្សារ និងកំពុងបន្តចេញដែលធ្វើអោយអ្នកប្រើប្រាស់មានជម្រើសច្រើនពេលទិញប្រើប្រាស់។ តែទោះជាយ៉ាងណាគេសង្កេតឃើញថា iPhone ជាប្រភេទស្មាតហ្វូនដែលមានភាពពេញនិយមប្រើច្រើននាពេលបច្ចុប្បន្ន និងមានលក់គ្រប់ហាងពេញទីក្រុងភ្នំពេញ។

ទាំងនេះជាហេតុផលមួយចំនួនដែលធ្វើឲ្យទូរសព្ទមួយទឹក iPhone នៅមានភាពពេញនិយមប្រើសម្រាប់ទីផ្សារក្នុងស្រុក៖

ម៉ាកទូរសព្ទកំពុងពេញនិយម

ទូរសព្ទ iPhone របស់ក្រុមហ៊ុន Apple មានភាពទាក់ទាញជាងស៊េរីដទៃទាំងថ្មី និងមួយទឹកសម្រាប់ទីផ្សាក្នុងស្រុកនាពេលបច្ចុប្បន្ន។ ដោយសារ iPhone ជាប្រភេទទូរសព្ទដែលមានអ្នកនិយមប្រើប្រាស់ច្រើន និងមានការនាំចូលពីក្រៅប្រទេសច្រើនតែនៅមានគុណភាពល្អអាចប្រើប្រាស់បាន និងមានទីផ្សារខ្ពស់នៅពេលទិញ ឬលក់ចេញវិញ ។

មានជម្រើសច្រើន

មុនពេលអ្នកសម្រេចចិត្តទូរសព្ទតែងតែដើរជ្រែមើលតម្លៃ គុណភាពត្រង់ចំណុចនេះក៏បានធ្វើអោយទូរសព្ទមួយទឹក iPhone ជាជម្រើសដំបូងសម្រាប់អ្នកមានលុយល្មមៗចង់ទិញប្រើដោយមានចាប់ពីស៊េរី iPhone 5 រហូតដល់ iPhone X មានជម្រើសទំហំ GB ប្រើប្រាស់ រូបរាង ជម្រើសពណ៌ និងមិនងាយហួសស៊េរីព្រោះទូរសព្ទត្រកូល iPhone នេះចេញម្ដងរយះពេលមួយឆ្នាំ។

គ្រឿងបន្លាស

ថ្វីបើ iPhone ពុំសូវមានបញ្ហារឿងគ្រឿងម៉ាស៊ីន តែសម្រាប់អ្នកប្រើប្រាស់ទូរសព្ទមួយទឹកភាគច្រើននៅពេលជួបបញ្ហានៅលើផ្នែកណាមួយរបស់ទូរសព្ទតែងតែធ្វើការជួសជុល ឬចង់ប្ដូរគ្រឿងថ្មីត្រងចំណុចនេះសម្រាប់ទូរសព្ទ iPhone ហាក់មានភាពល្អប្រសើរជាងទូរសព្ទដទៃ ដោយសារមានហាងជាច្រើនបានធ្វើការជួសជុលដាក់លក់ iPhone មួយទឹកនិងថ្មីដូចនេះធ្វើឲ្យមានភាពងាយស្រួលរកពេលមានបញ្ហា និងមានគ្រឿងបន្លាសសម្បូរបែបនៅតាមហាង។

ប្រព័ន្ធប្រតិបត្តិការ

iPhone បានប្រើប្រាស់ប្រព័ន្ធប្រតិបត្តិការiOS ដែល Apple បានបង្កើតឡើងតាំងពីឆ្នាំ ២០០៧ សម្រាប់ប្រើប្រាស់ក្នុងទូរសព្ទដៃ និងឧបករណ៍អេឡិចត្រូនិកផ្សេងទៀតរបស់ Apple។

ជាមួយនិងលក្ខណៈពិសេសដូចជា អាចដំណើរការជាមួយនិងកម្មវិធីជាច្រើននៅលើ App Store, Multi-Touch, Multi-Tasking, អាចដំណើរការជាមួយ Multi Keyboard Language មានជំនាញយ៉ាងពិសេសជាមួយហ្គេម និងមាន Sensor សម្រាប់ Rotate Screen ព្រមទាំងមាន Sensor ចំពោះ Touch Screen នៅពេល ដែលយើង Touch ឱ្យវាមានលក្ខណៈរស់រវើក។

អាចធ្វើការអាប់ដេតជំនាន់ថ្មីដែលជួយបង្កើនល្បឿនឧបករណ៍ឲ្យលឿនជាងមុននោះ ហើយក្រុមហ៊ុន Apple ទើបតែបញ្ចេញឲ្យអាប់ដេតប្រព័ន្ធប្រតិបត្តិការថ្មីៗពីជំនាន់ iOS 11 ទៅប្រព័ន្ធប្រតិបត្តិការ iOS 12។

តម្លៃ

ថ្វីបើទូរសព្ទ iPhone ជាប្រភេទទូរសព្ទមានតម្លៃថ្លៃរាប់ពាន់ដុល្លារនៅពេលចេញលក់ដំបូង តែសម្រាប់ស៊េរីមុនៗដូចជា iPhone 6,iPhone 7,iPhone 8 ហាក់មានតម្លៃធ្លាក់ច្រើនពិសេសម៉ូដែលមួយទឹកដែលអាចសម្រេចចិត្តទិញបានសម្រាប់អ្នកមានលុយល្មៗ ជាមួយគុណភាពនៅល្អ និងមានតម្លៃចាប់ពី ៧០ ដុល្លារសម្រាប់ iPhone ៥៕

Apple បានបញ្ចេញ iPhone ជំនាន់ចុងក្រោយកាលពីថ្ងៃទី ១២ ឈានចូលថ្ងៃទី ១៣ កញ្ញា គឺ iPhone Xr, iPhone Xs និង iPhone Xs Max នឹងចេញលក់ផ្លូវការនៅថ្ងៃទី ២១ កញ្ញា ខាងមុខនេះនៅទឹកដីសហរដ្ឋអាមេរិក៕