មិនទាន់ចប់ទេ! Apple នៅសល់ផលិតផលពិសេសមួយទៀតមុនបញ្ចប់ឆ្នាំ ២០១៨
- 2018-09-19 13:42:45
- ចំនួនមតិ 0 | ចំនួនចែករំលែក 0
មិនទាន់ចប់ទេ! Apple នៅសល់ផលិតផលពិសេសមួយទៀតមុនបញ្ចប់ឆ្នាំ ២០១៨
ចន្លោះមិនឃើញ
នាព្រឹត្តិការណ៍ថ្ងៃទី ១២ កញ្ញាកន្លងទៅ Apple បានប្រកាសចេញផ្សាយ iPhone និង Apple Watch សេរ៊ីថ្មីប៉ុន្មានម៉ូឌែល។ ផលិតផលប្រចាំឆ្នាំនឹងមិនទាន់អស់នោះទេ ព្រោះតាមព័ត៌មានលេចលឺចុងក្រោយ មាន iPad ពិសេសមួយម៉ូឌែលទៀតគ្រោងនឹងបង្ហាញខ្លួន។
យោងតាមកំណែកូដក្នុង iOS 12.1 Beta កំពុងអភិវឌ្ឍ មានការប្រទះឃើញនូវ Group ថ្មីឲ្យឈ្មោះ iPad2018Fall ក្នុងកម្មវិធី Setup ពោលនឹងមានន័យថា iPad ជំនាន់ថ្មីត្រៀមមកដល់នារដូវស្លឹកឈើជ្រុះ។ ក្នុងកំណែប្រព័ន្ធប្រតិបត្តិដដែល ក៏រកឃើញពីមុខងារថ្មីអនុញ្ញាតឲ្យ Mobile OS អាចគាំទ្រការ Syncing ទិន្នន័យ Memoji ចូលទៅក្នុង iCloud បែបនេះមានន័យថានឹងមានឧបករណ៍ផ្សេងទៀតក្រៅពីទូរសព្ទអាចប្រើប្រាស់ Memoji ជារួមនឹងមកជាមួយ Face ID បន្ថែម Sensor ថ្មីលើ iPad ជំនាន់ក្រោយ។
ជុំវិញការបង្ហាញខ្លួនបើមើលតាមប្រវត្តិសាស្ត្រនៃការដាក់បង្ហាញជាង ១០ ឆ្នាំចុងក្រោយនេះ ពុំមានព្រឹត្តិការណ៍ណាមួយធ្វើឡើងក្រោយថ្ងៃទី ២៧ តុលាទេ ម្ល៉ោះការដាក់បង្ហាញ iPad ក៏រំពឹងនឹងចេញផ្សាយផ្លូវការអំឡុងពាក់កណ្តាលខែក្រោយផ្ទាល់តែម្តង។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ហាងមួយ ទម្លាយតម្លៃលក់ iPhone XS និង XS Max ពេលមកដល់ខ្មែរ
មកស្គាល់ពីផ្នែកសំខាន់ៗ សម្រាប់ផ្គុំចេញជាម៉ាស៊ីនរថយន្តវិញម្ដងមើល