កាតក្រហមយប់មិញតើ Ronaldo នឹងអវត្តមានប៉ុន្មានប្រកួត?
- 2018-09-20 01:58:47
- ចំនួនមតិ 0 | ចំនួនចែករំលែក 0
កាតក្រហមយប់មិញតើ Ronaldo នឹងអវត្តមានប៉ុន្មានប្រកួត?
ចន្លោះមិនឃើញ
Cristiano Ronaldo បានទទួលកាតក្រហមលើកដំបូងក្នុងអាជីពរបស់ខ្លួននៅ Champions League ក្រោយបង្កកំហុសលើខ្សែការពារ Valencia។
ខ្សែប្រយុទ្ធសញ្ជាតិព័រទុយហ្គាល់ត្រូវអាជ្ញាកណ្ដាលមើលឃើញថា យកដៃទៅប៉ះក្បាលកីឡាករ Jeison Murilloធ្វើឲ្យរូបគេត្រូវពិន័យកាតក្រហម និងបណ្ដេញចេញពីការប្រកួតភ្លាមៗត្រឹមនាទី២៩ប៉ុណ្ណោះ។ មានចម្ងល់ថាតើកាតក្រហមនេះនឹងធ្វើឲ្យ Ronaldo អវត្តមាននៅ Champions League ប៉ុន្មានប្រកួត។
ខុសពី Premier League ដែលពិន័យ៣ប្រកួតលើកីឡាករបានកាតក្រហម នៅ Champions League គឺមិនដូចគ្នាទេ។ យោងតាមច្បាប់របស់ UEFA គឺអ្នកបានកាតក្រហមនឹងត្រូវអវត្តមានប្រកួតបន្ទាប់ចំនួន១ប្រកួតដោយគ្មានសិទ្ធតវ៉ា។
បើសិនឃើញថាកំហុសធ្ងន់ធ្ងរសហព័ន្ធបាល់ទាត់ទ្វីបអឺរ៉ុបនឹងពិន័យថែម១ ឬក៏២ប្រកួតទៀត តែ២ប្រកួតនោះសាមីខ្លួន និងក្លឹបមានសិទ្ធប្ដឹងឧទ្ធរណ៍បាន។ Ronaldo ១០០%នឹងអវត្តមានប្រកួតបន្ទាប់ប៉ះ Young Boys តែបើពិន័យបន្ថែម២ប្រកួតទៀតកីឡាករវ័យ៣៣ឆ្នាំរូបនេះនឹងអវត្តមានប្រកួតប៉ះក្លឹបចាស់ Manchester United៕