Asensio ពី Hero ទៅជា Zero ដោយសារប្រើបច្ចេកទេសស៊ុតអត់មើលបាល់មិនចូលទី

2018-09-20 03:35:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការប្រកួតដំបូងនៅ UCL ក្លឹប Real Madrid បានយកឈ្នះ Roma ៣-០ រកគ្រាប់បានដោយ Isco, Bale និង Mariano Diaz។ តាមពិតទៅខ្សែប្រយុទ្ធវ័យក្មេង Marco Asensio ក៏ត្រូវអាចរកបានមួយគ្រាប់នឹងគេតែ អត់សំណាង។

លើទីលាននៃកីឡដ្ឋាន Bernabeuកាលពីយប់មិញ កីឡាករវ័យ២២ឆ្នាំបានប្រើបច្ចេកទេសក្នុងប្រអប់គ្រោះថ្នាក់យ៉ាងល្អ ទាញដាច់ខ្សែការពារ Roma ដែលឈរចេញមុខទី។ ឱកាសមួយស្មើជាមួយអ្នកចាំទី គេក៏ប្រើក្បាច់ទាត់មិនមើលបាល់ (No Look) តែគេបែរជាទាត់មិនចូល ត្រូវអ្នកចាំទី Robin Olsen ជួយបាន។

ជាការពិតសម្រាប់គ្រាប់បាល់នេះប្រសិន Asensio ទាត់ចូលពិតជាល្បីពេញពិភពលោក តែអ្វីៗក្លាយជារឿងសោកស្ដាយទៅវិញ។ ក្រោយពីខកខានគ្រាប់នេះ អ្នកលេង Twitter ម្នាក់បានសរសេរថា៖ " Asensio អាចបញ្ចប់អាជីពរបស់ De Rossi ដោយប្រើក្បាច់មិនមើលបាល់។ វានឹងក្លាយជាគ្រាប់អស្ចារ្យបំផុតមួយ ប្រសិនបើទាត់ចូល"។ ជ័យជម្នះនេះធ្វើឲ្យ Real ឈរកំពូលតារាងមាន៣ពិន្ទុ CSKA Moscow នៅលេខពីរមាន១ពិន្ទុ ស្មើគ្នាជាមួយ Viktoria Plzen និង Roma បាតតារាង៕