អ្នកធំនៅខេត្តមួយ ប្រកាសឲ្យអាហារូបករណ៍១០០% ដល់សិស្សជាប់និទ្ទេស Aដល់ E

2018-09-20 08:29:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្តមបណ្ឌិត ប៉ែន ស៊ីម៉ន តំណាងរាស្ត្រខេត្តកំពត ប្រកាសផ្ដល់អាហារូបករណ៍១០០% ចំនួន ២១៧កន្លែង ដល់សិស្សានុសិស្សដែលទើបប្រឡងជាប់សញ្ញាបត្រមធ្យមសិក្សាទុតិយភូមិឆ្នាំ ២០១៨ នៅមណ្ឌលនានាខេត្តកំពតទាំងអស់ ដែលមានបំណងបន្តការសិក្សានៅថ្នាក់ឩត្តមសិក្សា នៅរាជធានីភ្នំពេញ និងខេត្តកំពត។

សូមមើលអាហារូបករណ៍ក្នុងសេចក្ដីប្រកាសខាងក្រោម

រយៈពេល/ លក្ខខណ្ឌនៃការជ្រើសរើស ៖

១. ជ័យលាភីត្រូវបានជ្រើសតាមនិទ្ទេស និងតាមពិន្ទុ។ បញ្ជាក់៖ ការជាប់ចូលរៀននៅមហាវិទ្យាល័យ ឬវិទ្យាស្ថានខ្លះ តម្រូវឲ្យមានការឆ្លងកាត់ការធ្វើតេស្តបន្ថែមទៀត។

២. ជ័យលាភីអាហារូបករណ៍ត្រូវប្រាកដមិនបានត្រួតជាន់នឹងអាហារូបករណ៍ដទៃ ដូចជា៖

អាហារូបករណ៍សុទ្ធសាធ៖ ថ្លៃសាលា(សិក្សា)
អាហារូបករណ៍សោហ៊ុយ៖ សៀវភៅ ឯកសារ បរិក្ខារ ឧបករណ៍សិក្សាឯទៀត

- អាហារូបករណ៍ជាវិភាជ៖ ហូបចុក ស្នាក់នៅ ធ្វើដំណើរ ៣. ជ័យលាភីត្រូវបានជ្រើសរើសតាមស្ថានភាពជាអទិភាពរបស់គ្រួសារ

ជាគ្រួសារក្រីក្រ ពុំមានសមាជិកធ្លាប់បានរៀននៅមហាវិទ្យាល័យ/វិទ្យាស្ថាន
ជាកូនកំព្រា ជាជនងាយរងគ្រោះ...
ជាគ្រួសារមានសមាជិកច្រើន(កូនច្រើន)
តាមការប្រកាសផ្សេងទៀត

៤. ទីតាំង៖ ជាអ្នករស់នៅជនបទដាច់ស្រយាល

៥. អ្នកដាក់ពាក្យសុំ តម្រូវឲ្យស្នើសុំអាហារូបករណ៍តែមួយគ្រឹះស្ថានសិក្សា និងតែមួយមុខវិជ្ជា/បច្ចេកទេសតែប៉ុណ្ណោះ

៦. គ្រឹះស្ថានសិក្សាជាច្រើន តម្រូវឲ្យប្រឡងប្រជែងយកកន្លែងចូលរៀនជាមុន (អ្នកដាក់ពាក្យសុំគួរជ្រាប) ឧទាហរណ៍៖ សាកលវិទ្យាល័យវិទ្យាសាស្ត្រសុខាភិបាល វិទ្យាស្ថានបច្ចេកវិទ្យាកម្ពុជា(ITC) វិទ្យាស្ថាន CamEd វិទ្យាស្ថានពាណិជ្ជសាស្ត្រACLEDA ...។

កាលបរិច្ឆេទ និងកន្លែងទទួលពាក្យ៖

ចាប់ពីថ្ងៃទី ២៤ ដល់ថ្ងៃទី ៣០កញ្ញា ២០១៨ ជារៀងរាល់ថ្ងៃ ពីម៉ោង ៨ព្រឹក ដល់ ១១ថ្ងៃត្រង់ និងពេលល្ងាចពីម៉ោង ២ ដល់ ៥ល្ងាច។ នៅគេហដ្ឋានឯកឧត្តមបណ្ឌិតប៉ែន ស៊ីម៉ន ភូមិកំពង់បាយខាងត្បូង ឃុំកំពង់បាយ ក្រុងកំពត ខេត្តកំពត ជាប់នឹងមន្ទីរពេទ្យខេត្ត។ លេខទូរស័ព្ទទំនាក់ទំនង 096 36 00322 / 066 361 377 069 988 1106 / 096 366 4442 / 078 49 49 42 / 096 357 3750 / 015 644 457 / 011 72 53 76 / 085 600 585។