ក្ដៅ! លោកនាយកវិទ្យាល័យព្រះស៊ីសុវត្ថិ មិនបានដកទៅណាមែន តែត្រូវសងលុយក្រសួង
- 2018-09-20 10:53:14
- ចំនួនមតិ 0 | ចំនួនចែករំលែក 0
ក្ដៅ! លោកនាយកវិទ្យាល័យព្រះស៊ីសុវត្ថិ មិនបានដកទៅណាមែន តែត្រូវសងលុយក្រសួង
ចន្លោះមិនឃើញ
ក្រោយទទួលបានសំឡេងបោះឆ្នោតពីលោកគ្រូ អ្នកគ្រូ ឲ្យនៅរក្សាតំណែងនាយកវិទ្យាល័យព្រស៊ីសុវត្ថិ លោក មូល ស៊ុយហេង នៅតែបន្តតំណែងជានាយកក្នុងវិទ្យាល័យមួយនេះដដែល។ ថ្វីត្បិតនៅរក្សាតំណែងជានាយកវិទ្យាល័យដ៏ចំណាស់មួយនេះពិតមែន តែលោក មូល ស៊ុយហេង ត្រូវសងថវិការដ្ឋដែលបានប្រើប្រាស់ពុំមានតម្លាភាព និងត្រូវទទួលខុសត្រូវចំពោះមុខច្បាប់ជាធរមាន។ នេះបើតាមសេចក្ដីបញ្ជាក់ក្នុងលិខិតផ្លូវការរបស់ក្រសួងអប់រំ យុវជន និងកីឡា។
តាមលិខិតរបស់ក្រសួងអប់រំបញ្ជាក់ថា មូលហេតុឈានដល់ការផ្ទេរតំណែងលោកនាយកវិទ្យាល័យព្រះស៊ីសុវត្ថិ ទៅកាន់ផ្នែកនាយកដ្ឋាន មធ្យមសិក្សាទុតិយភូមិ គឺក្រោយពេលដែលក្រុមអធិការកិច្ច និងសវកម្មផ្ទៃក្នុង បានរកឃើញនូវបញ្ហាអសកម្មមួយចំនួនពាក់ព័ន្ធនឹងការងារគ្រប់គ្រង ការងាររដ្ឋបាល ការរៀន និងការបង្រៀន និងការប្រើប្រាស់ថវិកាសាលារៀន ថវិកាដៃគូអភិវឌ្ឍ។ បន្ទាប់មកក្រសួងក៏បានចេញប្រកាសផ្ទេរភារកិច្ច លោក មូល ស៊ុយហេង ឲ្យមកបំពេញកិច្ចការនៅនាយកដ្ឋានមធ្យមសិក្សាចំណេះទូទៅ ជាហេតុនាំឲ្យលោកគ្រូ អ្នកគ្រូមួយចំនួនបានចេញមកតវ៉ា។
ក្នុងសេចក្ដីប្រកាសរបស់ក្រសួងដដែលឲ្យដឹងទៀតថា ថ្វីត្បិតក្រសួងបានចំណាយថវិកាដ៏ច្រើនសន្ធឹកសន្ធាប់ក៏ដោយ ក៏ការគ្រប់គ្រងរបស់លោកនាយកនៅមានភាពធូររលុង ស្ថានភាពអនាម័យមិនមានភាពល្អប្រសើរឡើយ ជាពិសេសក្នុងថ្នាក់រៀននៃកម្មវិធីសិក្សាធម្មតា។
ដោយមានភាពអសកម្មជាច្រើនកើតឡើងក្នុងវិទ្យាល័យព្រះស៊ីសុវត្ថិកើតឡើង ក្រោមការគ្រប់គ្រងរបស់លោក មូល ស៊ុយហេង បែបនេះហើយ ទើបក្រសួងសម្រេចផ្ទេរភារកិច្ចរបស់លោក តែមិនទទួលបានជោគជ័យព្រោះមានការផ្ទុះបាតុកម្មតវ៉ាពីលោកគ្រូ អ្នកគ្រូ ដែលធ្លាប់ជ្រោកកោន ក្រោមម្លប់ដឹកនាំ នៃនាយកសាលារូបនេះ។
ទោះជាយ៉ាងណាក្ដីក្រសួងនៅតែរក្សាតួនាទីរបស់លោក តាមការតវ៉ារបស់លោកគ្រូ អ្នកគ្រូ។ ប៉ុន្តែក្រសួងអប់រំ បានបង្កើតគណៈកម្មការចម្រុះមួយទៀត ដើម្បីធ្វើការគ្រប់គ្រង និងដំណើរការវិទ្យាល័យព្រះស៊ីសុវត្ថិឲ្យមានប្រសិទ្ធភាព និងតម្លាភាព៕
សូមមើលសេចក្ដីប្រកាសទាំងស្រុងដូចខាងក្រោម៖