Casemiro គាំទ្របេក្ខភាព Modric ឬ Ronaldo ក្នុងការឈ្នះពាន Ballon D'or លើកនេះ?
- 2018-09-20 15:32:16
- ចំនួនមតិ 0 | ចំនួនចែករំលែក 0
Casemiro គាំទ្របេក្ខភាព Modric ឬ Ronaldo ក្នុងការឈ្នះពាន Ballon D'or លើកនេះ?
ចន្លោះមិនឃើញ
ខ្សែបម្រើការពារ Casemiro ក្នុងថ្ងៃនេះ បាននិយាយថា ខ្លួនគាំទ្របេក្ខភាព Cristiano Ronaldo ជាជាង Luka Modric ក្នុងការឈ្នះពាន Ballon D'or លើកនេះ។
កីឡាករប្រេស៊ីលបានថ្លែងប្រាប់សារព័ត៌មានក្រោយប្រកួត Champions League ថា៖ "Modric នឹងឈ្នះ Ballon D'or? ខ្ញុំគិតថា Modric លេងបានល្អមែនឆ្នាំហ្នឹង។ ទោះជាយ៉ាងណា បើសិនជាឲ្យខ្ញុំរើសវិញ ខ្ញុំនឹងជ្រើសរើស Ronaldo"។
កាលពីរដូវកាលមុន Ronaldo បានស៊ុតចូលសរុប ៤៤ គ្រាប់ ក្នុងការបង្ហាញខ្លួន ៤៤ លើកឲ្យ Real Madrid ហើយរួមចំណែកជួយក្លឹបឲ្យឈ្នះ Champions League ៣ ឆ្នាំជាប់គ្នា។
Modric ក៏បានបង្ហាញទម្រង់ល្អគួរឲ្យកត់សម្គាល់ក្នុងតំបន់បម្រើ។ ក្រៅពីឈ្នះ Champions League ជាមួយ Real Madrid រដូវកាលមុន កីឡាករក្រូអាតក៏បានរួមចំណែកសំខាន់ក្នុងការជួយក្រុមជម្រើសជាតិឲ្យឡើងដល់វគ្គផ្ដាច់ព្រ័ត្រក្នុង World Cup ២០១៨៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
