រកឃើញអ្នកទិញ iPhone XS ពីហាង Apple មុនគេក្នុងលោក
- 2018-09-21 01:47:14
- ចំនួនមតិ 0 | ចំនួនចែករំលែក 0
រកឃើញអ្នកទិញ iPhone XS ពីហាង Apple មុនគេក្នុងលោក
ចន្លោះមិនឃើញ
អូស្ត្រាលីជាប្រទេសដែលមានដាក់លក់ iPhone XS/XS Max ដំបូងគេក្នុងលោក ហើយមានមនុស្សជាច្រើនបានតម្រង់ជួរអង្គុយចាំទិញ iPhone ជំនាន់ថ្មីតាំងពីព្រឹកព្រហាមថ្ងៃសុក្រនេះម្ល៉េះ។
ហាង Apple Store ដែលមានទីតាំងនៅ George Street ទីក្រុងស៊ីដនីបានចាប់ដំណើរការនៅវេលាម៉ោង ៨ ព្រឹក ម៉ោងក្នុងស្រុក ហើយគេបានសង្កេតឃើញបុគ្គលពីររូបដែលដើរចេញពីហាងមុនគេ និងមានកាន់ផលិតផល Apple ថ្មីក្នុងដៃផងដែរ។
ពីររូបនោះគឺម្នាក់មានឈ្មោះ Teddy Lee វ័យ ២០ ឆ្នាំ ជានិស្សិតសញ្ជាតិកូរ៉េខាងត្បូងមកសិក្សានៅទីក្រុងស៊ីដនី និងម្នាក់ទៀតមានឈ្មោះថា Mazen Kourouche វ័យ ២១ ឆ្នាំ ជា YouTuber ដែលទិញផលិតផល Apple ដើម្បីយកផលិតជាវីដេអូ។
Teddy Lee បានទិញ iPhone XS មួយដើមពណ៌មាស ចំណែក Mazen បានទិញ iPhone XS និង XS Max រួមទាំង Apple Watch Series 4 ដើម្បីយកទៅធ្វើវីដេអូ Unbox។ Mazen ក៏មានបំណងថានឹងទិញ iPhone XR ពេលដែលចេញលក់នៅខែតុលាខាងមុខនេះដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
