ក្រោយស៊ុតចូលទី កីឡាករក្លឹប Zurich អបអរពេករហូតដល់ជ្រុលខ្លួន
- 2018-09-21 12:07:41
- ចំនួនមតិ 0 | ចំនួនចែករំលែក 0
ក្រោយស៊ុតចូលទី កីឡាករក្លឹប Zurich អបអរពេករហូតដល់ជ្រុលខ្លួន
ចន្លោះមិនឃើញ
ក្នុងប្រកួត Europa League យប់មិញ ក្លឹបFC Zurich បានយកឈ្នះ AEK Larnaca ក្នុងលទ្ធផល ១ ទល់នឹង ០។ ទោះជាយ៉ាងណា មានហេតុការណ៍គួរឲ្យភ្ញាក់ផ្អើលមួយបានកើតឡើងនៅពេលអបអរគ្រាប់បាល់មួយគ្រាប់នោះ។
នៅនាទី ៦១ ក្រោយពេលស៊ុតចូលបាល់ពិន័យ ១១ ម៉ែត្រ កីឡាករ Benjamin Kololli របស់ក្លឹប Zurich បានធ្វើការផ្លោះរនាំងក្នុងគោលបំណងដើម្បីទៅធ្វើការអបអរជាមួយអ្នកគាំទ្រខ្លួន។ កីឡាករបានធ្វើការផ្លោះបានសម្រេចនូវរនាំងទីមួយ ទោះជាយ៉ាងណា ខ្សែបម្រើបានជួបប្រទះបញ្ហាក្រោយផ្លោះរនាំងទីពីរ ព្រោះថានៅពីក្រោយរនាំងទីពីរ មិនមែនជាតំបន់រាបស្មើឡើយ តែគឺជាប្រឡោះមួយជ្រៅ។
ក្រោយបានធ្លាក់ទៅចូលប្រឡោះនោះ Kololli ត្រូវបានមិត្តរួមក្រុមជួយលើកឡើងមកលើវិញ។ កីឡាករត្រូវបានប្រទះឃើញមានសភាពញ័របន្តិច តែនៅអាចបន្តលេងក្នុងការប្រកួតរហូតដល់ចប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
