ក្នុងពេលជួបគ្នា លោកគីមជុងអ៊ុន ឲ្យអំណោយអ្វីទៅប្រធានាធិបតីកូរ៉េខាងត្បូង?
- 2018-09-21 13:53:06
- ចំនួនមតិ 0 | ចំនួនចែករំលែក 0
ក្នុងពេលជួបគ្នា លោកគីមជុងអ៊ុន ឲ្យអំណោយអ្វីទៅប្រធានាធិបតីកូរ៉េខាងត្បូង?
ចន្លោះមិនឃើញ
កិច្ចប្រជុំកំពូលអន្តរកូរ៉េដែលបានចាប់ផ្ដើមកាលពីថ្ងៃទី ១៨ កញ្ញាកន្លងទៅ បានបិទបញ្ចប់កាលពីម្សិលមិញ។ កាលពីថ្ងៃម្សិលមិញ មេដឹកនាំកូរ៉េខាងជើង លោក គីម ជុងអ៊ុន បានធ្វើការជូនអំណោយទៅកាន់ប្រធានាធិបតីកូរ៉េខាងត្បូង លោក Moon-Jae in។
អំណោយរបស់លោកគីមនោះ គឺ ផ្សិតចំនួន ២តោន។ ដោយផ្សិតទាំងនេះ គឺជាអំណោយដោយមេដឹកនាំកំពូលកូរ៉េខាងជើង ផ្សិតត្រូវបានគេជឿថា គឺមានជាផ្សិតប្រភេទលេខ ១ ហើយមានតម្លៃថ្លៃ។ បើតាមការរាយការណ៍របស់ Strait Times ផ្សិត ២ តោននោះមានតម្លៃប្រមាណ ១,៨៣ លានដុល្លារសហរដ្ឋអាមេរិក។
យោងតាមពាក្យសំដីអ្នកនាំពាក្យលោកប្រធានាធិបតីកូរ៉េខាងត្បូង Moon Jae-in កាលពីម្សិលមិញ បានឲ្យដឹងថា ផ្សិតចំនួន ២ តោនដែលជាអំណោយរបស់លោកគីម នឹងត្រូវបានយកទៅចែកជូនប្រជាជនកូរ៉េខាងត្បូងចំនួន ៤០០០ នាក់ ដែលបានរងគ្រោះដោយការបែកបាក់គ្រួសារព្រោះសង្គ្រាមកូរ៉េ (១៩៥០-១៩៥៣)។
សូមបញ្ជាក់ផងដែរ ក្នុងឆ្នាំ ២០១៨នេះ មេដឹកនាំកូរ៉េទាំងពីរ បានជួបគ្នាបានបីលើកហើយ មួយនៅខែមេសា មួយនៅខែឧសភា និងចុងក្រោយនៅខែកញ្ញាដែលទើបតែបិទបញ្ចប់នាពេលកន្លងទៅថ្មីៗនេះ៕