នៅខ្មែរ ២ពាន់ដុល្លារជា iPhone Xs Max ថ្លៃជាងគេ ធៀបបណ្តាប្រទេសផ្សេងៗ

2018-09-22 00:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ២១ ខែកញ្ញាម្សិលមិញនេះ Apple បានបើកឲ្យកម្ម៉ង់ទិញ iPhone ស៊េរីថ្មីទាំងបីទៅតាមតំបន់ដូចជានៅប្រទេស សិង្ហបុរី ជប៉ុន អូស្រ្តាលី ហុងកុង តៃវ៉ាន់ជាដើម។ អ្វីដែលអ្នកគាំទ្រចង់ដឹងនោះគឺ តម្លៃ តែបើធៀបគ្នាវិញឃើញថា តម្លៃតាមប្រទេសទាំងនោះខុសគ្នាច្រើន។

iPhone Xs-Max 512GB

ថ្ងៃនេះដែរក្រុមការងារ Sabay លើកយកតែម៉ូឌែល iPhone Xs Max ទំហំអេក្រង់ ៦,៥ អ៊ីញដែលបែកចែកទៅតាមទំហំផ្ទុកក្នុងម៉ាស៊ីន(មេម៉ូរី) មកបង្ហាញពីតួលេខលក់នៅតាមបណ្ដាប្រទេសមួយចំនួន (គិតត្រឹមថ្ងៃចេញលក់ដំបូង)។

ផ្អែកតាមប្រភពបានឲ្យដឹងថា តម្លៃទាំងនេះជាតម្លៃមិនផ្លូវការ និងគិតទៅតាមអត្រាប្ដូរប្រាក់នៃតំបន់នីមួយៗ។ ប៉ុន្តែមិនបានគិតទៅលើ ការចំណាយធ្វើដំណើរ និងការកាត់ពន្ធនានានោះទេ។

ក្រឡេកទៅមើលលើតារាងខាងលើនេះ និងតួលេខដែលក្រុមការងារបានចុះផ្សាយកន្លងមក បង្ហាញថា កម្ពុជាដាក់លក់ iPhone Xs Max តម្លៃធូរថ្លៃជាងគេ(ចំពោះទំហំ 512GB)ធៀបនឹងប្រទេសផ្សេងៗ។ អ្នកទាំងអស់គ្នាប្រហែលជាលាន់មាត់ហើយ ហេតុអ្វីបែបនេះ? ក្រុមការងារនឹងស្រាយចម្ងល់ជូននៅពេលក្រោយ។

យ៉ាងណាក្ដី នេះគ្រាន់តែជាតម្លៃថ្មីគ្មានការធានាពីក្រុមហ៊ុននោះទេ និងអាចប្រែប្រួលខ្លះទៀតនៅថ្ងៃនេះ៕

ប្រភព៖ hardreset ប្រែសម្រួល៖ រក្សា