Messi នឹងចូលរួមក្នុងពិធីប្រគល់ពានកីឡាករល្អបំផុតរបស់ FIFA បើទោះជាខ្លួនគ្មានឈ្មោះ

2018-09-22 03:43:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Messi បានសម្រេចចិត្តចូលរួមក្នុងពិធីប្រគល់ពានកីឡាករល្អបំផុតប្រចាំឆ្នាំរបស់ FIFA (ឬ FIFA Best Awards) ដែលនឹងប្រព្រឹត្តទៅនៅថ្ងៃទី ២៤ ខែកញ្ញានេះនៅទីក្រុងឡុង បើទោះជាខ្លួនគ្មានឈ្មោះដណ្តើមពានរង្វាន់នេះដូចរាល់ឆ្នាំក្តី។

កីឡាករអាហ្សង់ទីនមិនត្រូវបានដាក់បញ្ចូលទៅក្នុងបញ្ជីកីឡាករ៣នាក់ចុងក្រោយសម្រាប់ដណ្តើមពានរង្វាន់កីឡាករល្អបំផុត ដែលឆ្នាំនេះបេក្ខភាពចុងក្រោយមាន Cristiano Ronaldo, Luka Modric និង Mohamed Salah។

ទោះជាមិនមានឈ្មោះក្នុងបេក្ខភាព FIFA Best Awards ប៉ុន្តែម្ចាស់ពាន Ballon d'Or z៥សម័យកាល នៅតែត្រូវបានអញ្ជើញឲ្យចូលរួមក្នុងពិធីខាងលើ។

ខណៈអ្នកផ្សេងជាច្រើនទៀតមិនចង់ទទួលយកការអញ្ជើញនៅពេលដែលខ្លួនគ្មានឈ្មោះដណ្តើមពានរង្វាន់ ប៉ុន្តែ Messi ត្រូវបានគេមើលឃើញថាជាកីឡាករដែលបង្ហាញពី fair play មិនថានៅលើទីលាន ឬ នៅលើឆាក ដោយសុខចិត្តទៅអង្គុយមើល Ronaldo, Modric ឬ Salah ម្នាក់ក្នុងចំណោមពួកគេនឹងបានពានកីឡាករល្អបំផុតប្រចាំឆ្នាំ។

តើពានរង្វាន់ FIFA World Player of the Year ខុសពី Ballon d'Or យ៉ាងដូចម្ដេច?

FIFA World Player of the Year គឺជាពានរង្វាន់កីឡាករឆ្នើមបំផុតប្រចាំឆ្នាំរបស់ FIFA ដែលពាននេះត្រូវបានរៀបចំដោយ FIFA តាំងពីឆ្នាំ១៩៩១មក ខណៈដែល Ballon d'Or ឬ (Golden Ball) គឺជាពានរង្វាន់កីឡាករឆ្នើមបំផុតប្រចាំឆ្នាំរបស់បាល់ទាត់បារាំងតាំងពីឆ្នាំ ១៩៥៦ ដែលពាននេះប្រគល់ជូនកីឡាករក្នុងតំបន់អឺរ៉ុបដែលលេងល្អបំផុត។

ប៉ុន្តែ ក្នុងឆ្នាំ ២០១០ FIFA World Player of the Year និង Ballon d'Or បានរួមបញ្ចូលគ្នា បង្កើតបានជាពានថ្មីមួយក្នុងរវាងពេល៦ឆ្នាំគិតចាប់ពីពេលដែលពានទាំងនេះរួមបញ្ចូលគ្នា ពោលគឺគិតតាំងពីឆ្នាំ ២០១៦ មក លែងមានទៀតហើយ FIFA World Player of the Year ឬ Ballon d'Or មានតែពានដែលកើតពីការរួមបញ្ចូលគ្នារវាងពានទាំង២ខាងលើ ដែលឲ្យឈ្មោះថា FIFA Ballon d'Or ឬ FIFA Best Awards៕

ប្រភព៖ Marca | standard ប្រែសម្រួល៖ សុខ លាងហ៊ត