Gabriel Jesus ត្រូវប្រេស៊ីល កោះហៅចូលជម្រើសជាតិជាថ្មី
- 2018-09-22 05:19:13
- ចំនួនមតិ 0 | ចំនួនចែករំលែក 0
Gabriel Jesus ត្រូវប្រេស៊ីល កោះហៅចូលជម្រើសជាតិជាថ្មី
ចន្លោះមិនឃើញ
Gabriel Jesus ខ្សែប្រយុទ្ធរបស់ក្រុម Manchester City ត្រូវក្រុមជម្រើសជាតិប្រេស៊ីល កោះហៅចូលជម្រើសជាតិវិញហើយ ក្រោយពីមិនមានវត្តមានកាលពីលើកមុន។
ប្រេស៊ីល នឹងមានការប្រកួតមិត្តភាពអន្តរជាតិ២ប្រកួតនៅខែក្រោយ ដោយប៉ះជាមួយក្រុមអាស៊ី អារ៉ាប៊ីសាអ៊ូឌីត និងអាហ្សង់ទីន។ លោក Tite ដែលជាគ្រូបង្វឹកក្រុមជម្រើសជាតិនេះ បានកោះហៅកីឡាករចំណូលថ្មី៣នាក់ក្នុងការត្រៀមប្រកួតនេះគឺខ្សែការពារ Pablo របស់ Bordeaux ខ្សែបម្រើ Wallace របស់ Hannover និងខ្សែប្រយុទ្ធ Malcom របស់ក្រុម FC Barcelona ។ ខណៈដែល Jesus ដែលបាត់មុខ កាលពីប្រមូលផ្ដុំលើកមុននោះ ក៏ត្រូវបានកោះហៅចូលវិញផងដែរ។
Jesus បាត់បង់ការទុកចិត្តពីគ្រូបង្វឹក ក្រោយខ្សែប្រយុទ្ធលេខ៩រូបនេះ មិនអាចរកគ្រាប់បាល់បាន៦ប្រកួតជាប់គ្នា នៅ World Cup ។ ខណៈដែលនៅក្លឹបអាជីព Man City ក៏បើករដូវកាលមិនល្អដែរ ដោយលេងបាន៥ប្រកួត ទើបតែរកគ្រាប់បាល់បាន១គ្រាប់ប៉ុណ្ណោះ។
លោក Tite ប្រមូលផ្ដុំលើកនេះ មិនបានកោះហៅ Douglas Costa ឡើយ ព្រោះរូបគេជាប់បម្រាមដល់៤នៅអ៊ីតាលី ក្រោយពីស្ដោះទឹកមាត់ដាក់មុខកីឡាករ Di Francesco ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
