តែ ២ថ្ងៃទេ ពិព័រណ៍អាពាហ៍ពិពាហ៍នៅកោះពេជ្រ ឮល្ហៀងៗថាមានបញ្ចុះតម្លៃច្រើន

2018-09-22 09:35:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិព័រណ៍ដែលប្រមូលផ្ដុំទៅដោយរឿងពាក់ព័ន្ធនឹងពិធីមង្គលការ បានមកជួបជុំគ្នានៅកោះពេជ្រ ក្នុងថ្ងៃនេះ និងថ្ងៃស្អែក ដោយមានបញ្ចុះតម្លៃជាច្រើនផងដែរ។

កម្មវិធីដែលរៀបចំឡើងជាលើកទី ៥ នេះ ក៏មានវត្តមានលោកជំទាវ ម៉ែន សំអន និងលោកជំទាវ ភឿង សក្កណា ចូលរួមបើកសម្ពោធផងដែរកាលពីព្រឹកមិញ។

ពិព័រណ៍ដែលរៀបចំដោយក្រុមហ៊ុនសិរីមង្គលនេះ ក្រៅពីមានការសម្ដែងសិល្បៈពាក់ព័ន្ធនឹងពិធីមង្គលការហើយនោះ ក៏មានការតាំងបង្ហាញដូចជា៖

សម្អាងការ និងពិធីការ
សេវាកម្មថតរូប និងវីដេអូ
គ្រឿងលម្អ និងតុបតែងផ្កា
ចំណីអាហារ និងភេសជ្ជៈ
ប្រព័ន្ធភ្លើង និងសំឡេងជាដើម

សិរីមង្គល មានកេរ្តិ៍ឈ្មោះល្បីខាងផ្នែកសម្អាងការយូរឆ្នាំមកហើយ តែក្រុមហ៊ុននេះ ក៏ទទួលរៀបចំកម្មវិធីតូចធំ និងរៀបចំកម្មវិធីមង្គលការទាំងមូលតែម្ដង (Wedding Planner) ដោយធ្លាប់ទទួលបានជោគជ័យជាច្រើនមកហើយ ជាក់ស្ដែងពិព័រណ៍អាពាហ៍ពិពាហ៍នេះ បានធ្វើឡើង ៥ ឆ្នាំជាប់គ្នារួចមកហើយ។

ព័ត៌មានបន្ថែមពីសិរីមង្គល ឬពិព័រណ៍អាពាហ៍ពិពាហ៍ ចូលទៅផេកហ្វេសប៊ុក Sereimongkul Wedding Planner ៕