Justin Bieber នាំ Hailey សំណព្វចិត្តដេកសុទ្ធតែសណ្ឋាគារតម្លៃខ្ទង់ម៉ឺនដុល្លារ ក្នុង១យប់
- 2018-09-22 08:01:19
- ចំនួនមតិ 0 | ចំនួនចែករំលែក 0
Justin Bieber នាំ Hailey សំណព្វចិត្តដេកសុទ្ធតែសណ្ឋាគារតម្លៃខ្ទង់ម៉ឺនដុល្លារ ក្នុង១យប់
ចន្លោះមិនឃើញ
ផ្អែកតាមវិបសាយ People បានចុះផ្សាយឲ្យដឹងថា តារាចម្រៀង Justin Bieber បាននាំគូស្នេហ៍សំណព្វចិត្ត Hailey Baldwin ទៅរីករាយនឹងដំណើរសម្រាកលម្ហែកាយ នៅប្រទេសអ៊ីតាលីហើយ។
តាមប្រភពដដែលបានឲ្យដឹងថា អ្នកទាំង ២បានស្នាក់នៅសណ្ឋាគារ Belmond Hotel Caruso ក្នុងទីក្រុង Ravello ប្រទេសអ៊ីតាលីដែលមានតម្លៃដល់ទៅ ១៣ ០០០ដុល្លារឯណោះក្នុងមួយយប់។
បន្ថែមពីលើនេះ ព័ត៌មានក៏បានបញ្ជាក់ថា ក្នុងសណ្ឋាគារ ប្រភេទវីឡាស្នាក់នេះដែរក៏មានមេចុងភៅប្រចាំការនៅទីនោះដែរ ព្រមជាមួយសួនច្បារបែបឯកជន ដែលអាចមើលឃើញឆ្នេរសមុទ្រដ៏ស្រស់ស្អាតរបស់អ៊ីតាលីទៀតផង។
ប្រភពមួយបានឲ្យដឹងថា Justin បានចំណាយលុយដល់ទៅ ៨ពាន់អឺរ៉ូ (ប្រហែលជិត៩ពាន់ដុល្លារ) ទិញស្រា Petrus មួយដបផឹក ព្រមជាមួយអាហារឈ្ងុយឆ្ងាញ់ញ៉ាំយ៉ាងរីករាយនៅកន្លែងស្នាក់នេះ៕