ធនាគារអឺរ៉ុប BRED បន្តវាយលុកទីផ្សារ ដោយសម្ពោធសាខាបន្ថែម ម្ដងនេះកៀក TK
- 2018-09-22 09:44:12
- ចំនួនមតិ 0 | ចំនួនចែករំលែក 0
ធនាគារអឺរ៉ុប BRED បន្តវាយលុកទីផ្សារ ដោយសម្ពោធសាខាបន្ថែម ម្ដងនេះកៀក TK
ចន្លោះមិនឃើញ
ធនាគារមកពីប៉ែកអឺរ៉ុប ដែលមានតែមួយគត់នៅកម្ពុជា BRED Bank បានប្រកាសបើកសាខាថ្មីរបស់ខ្លួនកាលពីព្រឹកម្សិលមិញ ក្រោយពីបើកការិយាល័យកណ្ដាលនៅលើផ្លូវនរោត្ដម កាលពីខែមីនា ២០១៧។
លោកស្រី មាស គន្ធា នាយិកាគ្រប់គ្រងបណ្ដាញសាខា បាននិយាយថា បន្ថែមពីកម្មវិធីចល័ត (Mobile App) និងប្រព័ន្ធផ្ដល់សេវាធនាគារតាមអ៊ីនធឺណិត ទីតាំងថ្មីៗរបស់ BRED Bank នឹងនាំយកសេវាកម្មធនាគារទៅកាន់តែកៀកអតិថិជន។
ក្រៅពីសម្ពោធសាខាថ្មីដែលមានទីតាំងនៅផ្លូវ ៥១៦ កែងនឹងផ្លូវសម្ដេច ប៉ែន នុត សង្កាត់បឹងកក់ ១ ខណ្ឌទួលគោក (ក្បែរផ្សារ TK) BRED Bank ក៏នឹងត្រៀមសម្ពោធសាខានៅខេត្តសៀមរាប និងបាត់ដំបងបន្ថែមទៀត។
គោលបំណងរបស់ធនាគារ BRED គឺបំបាត់នូវគម្លាត និងផ្ដល់ប្រជាជនកម្ពុជា នូវដៃគូទំនាក់ទំនងដែលអាចទុកចិត្តបាន ព្រមទាំងអាចពិភាក្សាដោយសេរី ពីគម្រោងមហិច្ឆតារបស់ខ្លួន។ នេះបើតាមការលើកឡើងរបស់លោក Guillaume Perdon នាយកប្រតិបត្តិធនាគារ BRED នៅកម្ពុជា។
BRED Bank ត្រូវបានកាន់កាប់ដោយធនាគារ BRED Banque Populaire ដែលជាធនាគារសហប្រតិបត្តិការរបស់បារាំង និងបានចុះបញ្ជីក្នុងប្រទេសបារាំង ដោយមានសមាជិកសហប្រតិបត្តិការ ១៨ម៉ឺននាក់ ហើយមានមូលធន ៤,១ លានអឺរ៉ូ។
សម្រាប់ព័ត៌មានបន្ថែម ចូលទៅផេកហ្វេសប៊ុក BRED Bank Cambodia ៕