គ្រាប់ទី៣របស់ Ronaldo នៅ Serie A ជួយ Juventus ឈ្នះក្រុមចំណូលថ្មី
- 2018-09-23 21:54:00
- ចំនួនមតិ 0 | ចំនួនចែករំលែក 0
គ្រាប់ទី៣របស់ Ronaldo នៅ Serie A ជួយ Juventus ឈ្នះក្រុមចំណូលថ្មី
ចន្លោះមិនឃើញ
Cristiano Ronaldo បានប្រើពេល៨១នាទីដើម្បីបំបែករនាំងការពាររបស់ Frosinone ហើយស៊ុតបញ្ចូលទីគ្រាប់ទី៣របស់គេនៅក្របខ័ណ្ឌកំពូលអ៊ីតាលី។
ក្នុងការប្រកួតនោះ Juventus បានបន្តកំណត់ត្រាឈ្នះ១០០%ក្រោយយកឈ្នះក្រុម Frosinone ដែលទើបឡើងមកពីក្របខ័ណ្ឌលំដាប់ទីពីរ ដោយលទ្ធផល ២ទល់នឹង០ ស៊ុតបញ្ចូលទីដោយ Ronaldo និង Bernardeschi។
ក្រុមរហស្សនាមថាសេះបង្កង់មានការគ្រប់គ្រងបាល់រហូត៧២%ពីជំនួបយប់មិញ ហើយស៊ុតសំដៅទី៣០លើក និងចំគោលដៅចំនួន៨ដង។
ជ័យជម្នះនេះធ្វើឲ្យ Juventus ដាច់ក្រុមលេខ២ Napoli ចំនួន៣ពិន្ទុឈរនៅលើកំពូលតារាង ស្របពេលក្រុម Frosinone ស្ថិតនៅបាតតារាងលេខ១៩ក្រោយរកបាន១ពិន្ទុគត់ពី៥ប្រកួតកន្លងមក៕