Lisa រងការលំបាកខ្លាំង ពេលហ្វឹកហាត់ទាហាន ដោយសារចំណុចខ្សោយមួយរបស់នាង
- 2018-09-24 02:55:00
- ចំនួនមតិ 0 | ចំនួនចែករំលែក 0
Lisa រងការលំបាកខ្លាំង ពេលហ្វឹកហាត់ទាហាន ដោយសារចំណុចខ្សោយមួយរបស់នាង
ចន្លោះមិនឃើញ
ក្នុងភាគថ្មីរបស់កម្មវិធី "Real Men” ក្រុមទាហានស្រី បានចូលក្នុងកន្លែងស្នាក់នៅរបស់ពួកគេ ជាមួយអ្នកដឹកនាំម្នាក់ដែលនាំពួកគេទៅកន្លែងស្នាក់នៅនោះ។ ពេលចូលទៅដល់ក្នុងនោះ ទាហានស្រីដែលទទួលបន្ទុករូបនោះ បានបង្ហាញប្រាប់ពីរបៀបរបបមួយចំនួន មុនណែនាំទាហានស្រីមួយរូបទៀតដែលមានតួនាទីរ៉ាប់រងការហ្វឹកហាត់របស់ពួកគេ អំឡុងពេលនៅទីនោះ។
ក្រោយមក ពេលទាហានស្រីទី ២ ដែលទទួលរងបន្ទុកដឹកនាំការហ្វឹកហាត់របស់ពួកគេនោះមកដល់ តារាចម្រៀង Lisa ត្រូវបានចាប់កំហុស ក្រោយនាងឆ្លើយតបដោយសំឡេងខ្សោយជាងគេ បើធៀបទៅអ្នកឯទៀត។ នៅពេលមេក្រុមរូបនោះ ប្រាប់ឲ្យនាងនិយាយឲ្យឮ នាងនៅតែឆ្លើយមិនសូវឮ រហូតឲ្យនាងឆ្លើយតបជាលើកទី ៣។
អ្វីដែលធ្វើឲ្យតារាស្រីរូបនេះ មានការភ័យខ្លាចរឹតតែខ្លាំងនោះ គឺនៅពេលដែលគ្រូបង្វឹកសួរនាងឲ្យប្រាប់ពីវិន័យទាំង ៣ ដែលនាងបានរៀនមុននេះបន្តិច ប៉ុន្តែនាងមិនបានចាំវិន័យទី ២ នោះទេ ដែលធ្វើឲ្យគ្រូបង្វឹកទម្លាក់ទឹកមុខស្មើ ហើយនាងក៏ទម្លាក់ទឹកមុខដោយការភ័យខ្លាចផងដែរ៕
ទស្សនាវីដេអូខាងក្រោម៖