ថ្ងៃនេះ រឿង សោភ័ណ្ឌ ចេញទៅវ៉ៃនៅ មីយ៉ាន់ម៉ា រពឹងគេស្គាល់គុនខ្មែរដូចវ៉ៃនៅបារាំង

2018-09-24 23:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ចិត្តសឿង រឿង សោភ័ណ្ឌ ចេញទៅប្រកួតនៅប្រទេសមីយ៉ាន់ម៉ា លើកទី១នេះ រំពឹងធ្វើឲ្យពិភពខាងក្រៅស្គាល់គុនខ្មែរកាន់តែច្រើន ដូចកាលដែលខ្លួនធ្លាប់ជោគជ័យនៅប្រទេសបារាំង។

កីឡាករ រឿង សោភ័ណ្ឌ

រឿង សោភ័ណ្ឌ បានឲ្យដឹងថា សម្រាប់ការចេញទៅប្រកួតនៅប្រទេសមីយ៉ាន់ម៉ា នាចុងខែកញ្ញា ២០១៨ នេះ រូបគេនឹងខំប្រឹងដើម្បីស្វែងរកជ័យជម្នះដើម្បីជូនកម្ពុជា និងជាពិសេសនោះគឺបានផ្សព្វផ្សាយពីក្បាច់គុនចំណាស់របស់កម្ពុជាមួយនេះលើឆាកអន្តរជាតិបន្ថែមទៀត។ រូបគេរំពឹងធ្វើបានល្អដូចលើក៤លើកកន្លងមកដែលខ្លួនបានផ្សព្វផ្សាយគុនខ្មែរនៅប្រទេសបារាំងគឺមានគេស្គាល់ច្រើនតាមរយៈការឈ្នះខ្សែក្រវាត់ និងពាននានា។ ការប្រកួតនៅមីយ៉ាន់ម៉ាលើកនេះ នឹងខំប្រឹងឲ្យដូចគ្នានោះដែរ។

អាជ្ញាកណ្ដលរាប់ ម៉ាណាវថង ពេលត្រូវ សោភ័ណ្ឌ ទាត់

កីឡាករ រឿង សោភ័ណ្ឌ

ការប្រកួតសង្វៀនធំ WLC នេះពិតជាមានសារសំខាន់ណាស់ដល់រូបគេ ដើម្បីបង្កើតកេរ្តិ៍ឈ្មោះបន្ថែមទៀត ក្នុងការក្ដោបឱកាសបានឡើងសង្វៀនធំៗកម្រិតពិភពលោក។ សោភ័ណ្ឌ ក៏រីករាយខ្លាំងដែលសង្វៀននៅមីយ៉ាន់ម៉ា ទទួលស្គាល់ពីកេរ្តិ៍ឈ្មោះរបស់ខ្លួន និងដាក់ឲ្យប្រកួតជាគូពិសេសក្នុងកកម្មវិធីទៀតផង។ កីឡាករកម្ពុជាទាំងពីររូប និងគ្រូបង្ហាត់ក្លឹប Cambodian Top Team នឹងចេញដំណើរទៅប្រទេសមីយ៉ាន់ម៉ា វេលាម៉ោង៩យប់នេះ៕

កីឡាករ រឿង សោភ័ណ្ឌ

នាថ្ងៃទី២៩ ខែកញ្ញា ២០១៨នេះ កីឡាករកម្ពុជាពីររូបនឹងត្រូវទៅប្រកួតមិត្តភាពអន្តរជាតិនៅប្រទេសមីយ៉ាន់ម៉ា ក្នុងកម្មវិធី World Lethwei Championship(WLC)គឺ ពេជ្រ ម្ទេសខ្មាំង ប៉ះ Mite Yine ក្នុងទម្ងន់ ៥៧-៦០kg ហើយ រឿង សោភ័ណ្ឌ ប៉ះ Yan Naing Tun ក្នុងប្រភេទទម្ងន់៦៣,៥-៦៧kg៕