ហាប់គីដូ ដំឡើងខ្សែក្រវាត់សិស្សគុនជាង៤០នាក់ តាមរយៈសមត្ថភាពរីកចម្រើន
- 2018-09-24 09:47:13
- ចំនួនមតិ 0 | ចំនួនចែករំលែក 0
ហាប់គីដូ ដំឡើងខ្សែក្រវាត់សិស្សគុនជាង៤០នាក់ តាមរយៈសមត្ថភាពរីកចម្រើន
ចន្លោះមិនឃើញ
សហព័ន្ធកីឡាហាប់គីដូកម្ពុជា ធ្វើពិធីដំឡើងខ្សែក្រវាត់ដល់សិស្សគុនជាង ៤០នាក់ កាលពីល្ងាចម្សិលមិញ បន្ទាប់ពីពួកគេបានប្រឡងជាប់មានសមត្ថភាពរីកចម្រើន។
លោក គង់ ចាន់ធីណា អគ្គលេខាធិការសហព័ន្ធខាងលើបានឲ្យដឹងថា ក្រោយពីបានកន្លែងហ្វឹកហាត់ត្រឹមត្រូវនៅដំបូលអគារសូហ្វតេនីស ដែលជាជំនួយរបស់សមាគមកីឡាក្រសួងមហាផ្ទៃរួចមក កីឡាមួយនេះមានភាពរីកចម្រើនគួរឲ្យកត់សម្គាល់។ សិស្សមានកន្លែងហ្វឹកហាត់ត្រឹមត្រូវ មានភ្លើងបំភ្លឺល្អ និងហាត់មិនបារម្ភខ្លាចភ្លៀង។
គ្រូបង្វឹករូបនេះបន្តថា សិស្សដែលត្រូវដំឡើងខ្សែក្រវាត់នេះមានតែជាង៤០នាក់ បន្ទាប់ពីពួកគេប្រឡងជាប់ទៅតាមកម្រិតផ្សេងៗគ្នា។ ក្នុងនោះមានការដំឡើងពី កម្រិតពណ៌ស ឡើង សឆ្នូត ពីពណ៌លឿងឆ្នូត ឡើងទៅ ទឹកក្រូច ពីពណ៌ទឹកក្រូចឆ្នូត ឡើងទៅបៃតង ពីពណ៌បៃតង ឡើងបៃតងឆ្នូត ពីពណ៌ខៀវឆ្នូត ឡើងក្រហម និងពណ៌ក្រហម ឡើងត្នោត។
ពិធីដំឡើងខ្សែក្រវាត់របស់សហព័ន្ធកីឡាហាប់គីដូកម្ពុជានេះ ធ្វើឡើងកាលពីល្ងាចថ្ងៃអាទិត្យ ទី២៣ ខែកញ្ញា ឆ្នាំ២០១៨ នៅដំបូលអគារសូហ្វតេនីសក្នុងពហុកីឡដ្ឋានជាតិ។ ក្នុងនោះដែរក៏មានការចូលរួមពីលោកគ្រូបង្វឹកនានា រួមទាំងសិស្សគុន អាណាព្យាបាលមួយចំនួនផងដែរ៕